Talk to Papa Joe: Gugma sa seaman

Monday, September 6, 2010

DEAR Papa Joe,

Greetings! Ako si Joanna, 19, nagpuyo diri sa B. Aranas, Cebu.

Have something to report? Tell us in text, photos or videos.

Ang akong problema mahitungod sa lovelife. Nakarelasyon ko og seaman. Nindot ang dagan sa among relasyon nga niluntad og hapit tuig pero naguba kay wala diay siya magsulti kanako sa tinuod.

Usa diay siya ka minyo nga layo sa iyang asawa. Abi ba man nako nga ulitawo siya kay wa man sa imik iyang mga kauban sa boarding house. Pero mao diay tagsa ra mi magkita kay mag-ulian man diay siya sa iyang pamilya.

Updates on President Benigno Aquino III's presidency

Tungod siguro sa akong kabatan-on mao nga nailad ra sad ko.

Unya kuwang sad ko’g pagmahal sa akong mga ginikanan maong nisangko sa ingon ani akong kapalaran. Maayo baya siya nako ug nahigugma gyud ko niya mao nga gihatag nako sa way pagduda-duda ang akong kaputli niya kay iya man kong gisaaran nga pakaslan.

Pero wala pa nako siya mahibaw-i nga minyo siya. Nahibulong na lang ko nga gisulong ko sa iyang asawa sa among balay ug didto gipakauwawan ko.

Sakit, Papa Joe, kay inosente kaayo ko adtong higayuna tungod kay bata pa lagi ko.

Sakit nga gibinuangan ko sa lalake nga akong gimahal. Murag gidakdakan ko sa kalibutan nga wa koy laing mahimo kon di ang paghilak na lang. Nisamot ang kasakit kay after usa ka buwan akong nahibaw-an nga nagbunga ang among gisaw-an nga kalipay.

Karon, wala na siya. Wala na sad koy balita. Unsa man akong buhaton nga six months na man akong tiyan. Unsa kahay ugma nako ug sa akong anak. Pait karon akong gibati gusto na lang gud ko magpakamatay. Palihug tambagi ko.

JOANNA

Day Joanna,

Maayong adlaw kanimo ug sa tanang magbabasa sa akong kulom.

Day, dili pa katapusan sa imong kinabuhi ang imong problema.

Sa gikaingon ko na, everything happens with a purpose. Ayaw huna hunaa nga katapusan na sa imong kaugmaon but a challenge nimo unsaon nimo pagdumala ang imong kaugmaon.

Dili ra ikaw ang single parent. Naay daghan nga nahimong successful. Paninguhaa nga maayo ang imong pag anak ug paninguhaa nga makabarog ka dayon sa pagsuporta sa mahimo nimong anak.

Kadtong lalake dunay rason ngano wa siya mosulti sa tinud-anay kay basin mao nay giingon sa inyo nga “right love at the wrong time”. Paningkamot, Day, kay ang Ginuo naay gitagana nga maayo nimo kon magpabilin ka niya. Isalig tanan niya kay wala ta kahibawo puhon nga hatagan ra ka niyag nilalang nga maoy mopangga nimo ug tinuod ug sa mahimo nimong anak. Pero ayaw lang padalos-dalos kay ang nahitabo nimo karon nagsilbing leksyon sa imong kinabuhi nga angay kang magmabalantayon sa imong mga disisyon. Salamat.
PAPA JOE

Mao ni ang kolum ni Papa Joe nga wa makagawas kagahapon.-EDITOR