Talk to Papa Joe: Kay ni-enter man

Monday, March 8, 2010

DEAR Papa Joe,

Maayong adlaw kanimo ug sa tanang readers. Ako si Nickol, taga Bulacao, 21. My problem is minyo na ko karon. Sa nag-edad ko og 17, naa koy uyab. Way klaro ang among relasyon kay nagtrabaho man siya.

Have something to report? Tell us in text, photos or videos.

Unya one day siya rang usa sa ilaha. Niadto ko sa ilang balay, Papa Joe. Wa namo damha nga naay nahitabo namo. After one month nimabdos ko. Wa siya kahibawo nga mabdos ko ug siya ang amahan, Papa Joe. Gikasal ko sa laing lalake apan magsige lang gihapon mi og kita. One time ni-text ko niya mao to nidako ang among text-text. Ako siyang giingnan nga mabdos ko sa wa pa ko maminyo.

"The Manny Pacquiao Blog". Click here for stories and updates on the Filipino boxing champ.

Karon, Papa Joe, iya daw kong himuan og baby. Naglibog ko, Papa Joe, kay minyo baya ko unya nagkahigugmaay man mi. Buangon man gud akong bana kay magsige lang og tong-its. Wa sad kaayo koy love unya napugos ra ko pagpakasal niya kay maghikog man daw siya.

Uyoan ra ba sa akong bana ang akong uyab sa una, Papa Joe. Ako ba siyang hatagan sa iyang gipangayo nga iya daw kong buhatan og baby kay maora man og di makapaanak ang akong bana. Magpahimo na ba lang kaha ko aron di na siya magsige og tong-its. Magpaabot ko sa imong advice, Papa Joe. God bless and more power.

NICKOL

Nickol,

Day, maayong adlaw kanimo no. Sa akong pagbasa sa imong suwat, nagpanglingo-lingo ko. Maora na gud ka og kanang iro-iro sa sakyanan gayango-yango. Sus Day, bata pa kaayo ka nga maora bag gisayonsayon lang ka sa uyoan sa imong uyab nga buhatan og anak nga kon buot sabton magpagawas ra na siya sa iyang kahinam diha nimo.

Ayaw tawon pun-i ang problema sa pagsulod nimo og laing problema. Lisod sabton apan bata pa man tawon ka, uy.

Mabdos man kaha ka, siyaro wa ka matagbaw sa panghitabo karon.

Day, ikaw ray magmahay anang imong gipangbuhat karon kon di na nimo kontrolon imong kaugalingon sa pagpadala sa bul-og sa gugma.

I hope wa magkulang ang imong ginikanan sa pagpahimagno nimo kay kon ginatambagan ka nila hinaot pa na nakat-on ka.

Dili man sad ingon nga nag tong-its imong bana nga wa na siyay ayo. Nahitabo na tungod kay siya mismo nisulod sa butang nga dili pa unta angay mahitabo. Walay ma-blame niana kon dili ikaw ra sad kay ikaw mismo nakahibawo na sa sayop ug sakto.

Day, dili pa uwahi ang tanan nga masakto nimo ang imong relasyon.

Iampo na sa kahitas-an nga lamdagan ka nga mahilikay sa sayop.

So, tanan, again, naa ra gyud nimo if asa imong pillion. Daghang salamat. Hinaot pa nga mahapsay ang imong pagpuyo.

PAPA JOE

PS. Kini nga column wa makagawas kagahapon.-EDITOR