Good day nimo diha,Noy Kulas. Hinaot nga naa ka sa maayong lawas karon. Usa ko sa mga avid reader nimo sa Sun.Star Superbalita. Tawaga lang ko sa name nga Mr. Virgo, 28. Mag patambag lang ko bahin sa nahitabo sa akong gugma nga gisalikway.

Ingon ani ni siya, Noy. Four years na ming uyab aning Ms. Scorpio, 25, usa ka maestra. Sa three years namo sa una, nindot pa kaayo among bonding. Pag-abot sa 4 years nag sugod na og kabati tungod sa iyang batasan nga di masabtan. Mag-away nami kanunay apan mag uli rasad dayon.

For updates from around the country, follow Sun.Star on Twitter

Apan, normal ra man jud nang mag-away basta uyab pa. Until last year sa March, nikalit ra siya og ingon nako nga mo-abroad siya kay gamay ra daw ang sweldo diri sa Pilipinas ug nisugot rako kay ako nangita pa sad og trabaho. Para sad kon moabot ang time nga mag ipon na mi, di kaayo problema.

Mao to ni ask ko niya kon asa siya mo-abroad, apan ang iyang itubag permi sa akoa sa Europe daw. Naglibog nako kay ngano way specif nga lugar nga kadako anang Europe. Until nilarga siya pag July, wala ko kahibawo kon asa siya dapit sa Europe. After ato sige kog e-mail niya, mangumusta, apan kanunay walay reply ko nga nadawat.

Until pag abot sa akong birthday last year, igo ra siya ni greet sa e-mail nako, bisag I miss you nga linya, walay nakasuwat. Mao nato iyang last nga e-mail. Sa sige nakog email wala nay bawos. Natingala ko kon ngano, hangtod sa ni give up kog email niya. One day ni open ko sa akong Facebook, gi-try nako og search siya gamit iyang email add. Didto ko na shock nga nakita nako siya sa Facebook, pero lahi na iyang family name nga gigamit. Didto ra sad nako nahibaw-an nga naa siya sa Sweden karon.

Nahugno akong paminaw ato, Noy. Grabe kasakit sa akong gibati ug kalagot. Nakatulo gyud akong luha sa akong nakita karon.

Sige kog pangutana sa akong self, unsa may sala nako nga nihimo to niya? Na- realize nako, mao diay wala siya nitug-an kon asa siya padung. Ang foreigner nga lalake bata pag edad mga around 28 to 30. Kita na ko sa una aning lakiha sa Friendster niya, sa wala pa niya gi deactivate iyang account.

Akong pangutana, Noy Kulas, nganong gipa-asa paman ko niya ug wala na lang gyud siya moprangka nako sa una nga mao diay na iyang purpose sa pagbiya niya nako. Naa bay tawo nga way konsinsya ug kasing-kasing? Naa bay gaba ang gihimo niya dinhi nako? Unsa may himu-on nako, Noy Kulas, para maka move-on sa iyang pagluib? Palihug kog tambag. Daghang salamat.