Tambagi ko Noy Kulas: Gustog 2 idug

Friday, March 12, 2010

DEAR Noy Kulas

Second time na ni nga letter nako nimo. Same problem nako about akoang boyfriend. Last week, Noy, naa siyay ka chat nga girl. Gusto niya mangita og girl nga kauban sa bed.

Have something to report? Tell us in text, photos or videos.

Akong boyfriend suportado ko niya gikan sa una ug niari siya sa Philippines aron makigkita nako. Apan dako problema, Noy, kay samtang dugay na mi, nausab siya.

"The Manny Pacquiao Blog". Click here for stories and updates on the Filipino boxing champ.

Gusto niya daghan ang mga babaye. Unya, Noy, kahibawo man ko sa password sa iyang e-mail akoang gi-open check email. Karon puwerte niyang sukoa kay nanghilabot kuno ko sa iyang personal life.

To be honest, Noy, love baya nako siya. Di siya gustong magselos ko. Akoang gitago ang tinuod kong gibati. Please help me with my problem. Angay bang mosugot ko sa hangyo nga mangita siyag girl nga lain para mag-share mi niya? Dako siyag na help financially namo. Apan bisan sa kuwarta wa koy kalipay. Masakitan ra ko, Magsige siyag ingon nga love ko niya, apan naa man siyay laing babaye.

Akong pangutana, sayop ba diay ang pag-open og e-mail message?

Wa diay koy right nga makahibawo nga nag-uyab man mi sud sa five years? Daghang foreigner ang nakagusto nako apan wa ko mopatol tungod kay naa man koy boyfriend. Di na kaayo siya mo-reply sa akong chat ug dako na kaayo siyag kausaban. Please, Noy, tambagi ko kon unsa ang akong buhaton.

MS. CONFUSE

Ms. Confuse,

Maayong adlaw kanimo. Pait sab nang imong kahimtang, gipakaubos ka man intawon og maayo nianang tawhana. Mao diay nga naa na siya diri nagpuyo kay wa nay misukol ana didto sa ilaha.

Bisan sa Western culture, kanang iyang gibuhat diha, di sab tawn na mahimo didto. Gawas lang niadtong dunay sexual perversion.

Siya ang matang sa tawo nga ang sexual orientation ug preference lahi kay sa naandan. Maingon gani natong duna siyay sakit sa panghuna-huna.

Pangitag lain na lang nga langyaw, kay naa man kahay laing mga nanguyab nimo, nga kahibawo morespeto sa imong pagkatawo ug di sama nianang tawhana nga lain ang dagan sa panghuna-huna. Unya ang kaugalingon ra say gihuna-huna.

Bitaw, mag-unsa man sab nang kuwarta kon wa kay kalipay kay ang iyaha sex ra man maoy giapas. Ang tinud-anay gud wa na siyay gugma nimo. Iya ka lang gihimong pahungawanan sa gana bugti sab sa iyang pagtabang kanimo.

Dihang iya kang gihatagan og password sa iyang e-mail, kadto permit na to sa iyang pagtugot nimo nga maka-open ka sa iyang e-mail. Kay unsa may purpose ba sa paghatag og e-mail kon di ka niya tugtan pag-open? Maora ra gud nag naghatag kag yawe sa imong kuwarto ngadto sa laing tawo aron iyang mabuksan. Mao ra sab na ang iyang gibuhat diha nimo.

NOY KULAS