Tambagi ko Noy Kulas: Mauwawon(2)

Wednesday, September 1, 2010

Anne,

Daghan kaayong salamat sa imong suwat. Bitaw daghan baya ang mga tawo, babaye man o lalake, bisan maayo ang status ug barog, mauwawon gihapon. Naa intawoy uban maalaan nga arte o garbuso bisan sa tinud-anay mauwawon lang gyud. Kini tungod kay medyo ubos ka og self-esteem. Daghan sa mga tawo nga sama nimo maayo og estado sa kinabuhi apan mauwawon lang gihapon. Huna-hunaa di ka angay nga mauwaw kay kon sa gisulti mo pa, di ka man bati og nawong. Ikaduha, maayo mag wa kay trabaho, nagyaka lang sa balay nga mauwaw ka. Maayo man ang imong trabaho nga usa sa mga lucrative nga trabaho dinhi karon sa siyudad.

Have something to report? Tell us in text, photos or videos.

Updates on President Benigno Aquino III's presidency

Busa unsa may imong ikauwaw nga moatubang sa parents ug relatives sa imong uyab? Gawas nga naghuna-huna kang basin lain ang ilang estorya bahin nimo, mauwaw ka lang gyud nga moatubang kanila kay wa didto ang imong boyfriend. Unsa man ang angay mong ikauwaw? Wa ka man moadto aron ka magpakauwaw sa imong kaugalingon. Niadto ka kay ila kang gidapit sa importante kaayo nga mga kalihukan. Ila kang giisip nga kabahin na sa pamilya hinungdan nga ila kang gidapit.

Nauyonan ka nila mao nga welcome kaayo ka sa ilang balay. Kon di ka pa welcome nila, di ka nila pakit-on og pag-tagad nga ingon niana. Di sila magtagad sa pagpangimbetar nimo. Ila kang giisip nga nahiusa na sa ilang anak ug kadugo nila. Mao nga ingon niana ang ilang pagtagad diha nimo.

Usa sab na sa mga paagi nga ila kang mailhan ug maobserbahan.

Mao man gyud nay buhaton sagad sa mga tawo ba. Sa giingon pa, kilatisin ka nila kon angay bang mamahimo kang tipik sa ilang pamilya. And you should show to them nga worthy kang mamahimong tipik kanila. Kay kon nagplano na mong magminyo, di ka man gyud makalikay nga mamahimo na silang pamilya nimo.

Angay ka sab nga malipay nga ang imong boyfriend proud kaayo nimo ngadto sa iyang pamilya. Alang kaniya you are worth it.

So, ipakita nila nga ang imong uyab wa masayop sa pagpili og babaye. Kon di ka sab moadto sa ilaha, basin lain unya ang ilang huna-hunaon. Ma misinterpret unya ang imong di o wa pag-adto. Important ra ba kaayo na nga event sa ilang pamilya.

Di ka angay nga mahadlok o mauwaw nianang iyang auntie. Bahala nag di siya managad. Anyway ang importante nga good shot ka na sa iyang pamilya. Unya, sultihi sab diay ang imong uyab sa imong mga apprehension inay nga imong taguon, labina gyud kabahin sa iyang iyaan. At least makahibawo siya sa rason sa imong pagpanagana.

Karon, mauwaw ka pang moadto sa ilaha? Huna-hunaag maayo nga ang aksyon sa tawo usahay maoy makaguba sa iyang kaugalingon bisan di kini maoy naa sa sulod sa iyang kaugalingon.

NOY KULAS