Tambagi ko Noy Kulas: Mosuporta o di?

Monday, February 15, 2010

MAAYONG adlaw. Nagsuwat ko niining topic kalabot sa pagsuporta sa pamilya o paryente lang, niadtong dunay trabaho o niadtong naa sa abroad. Sa mga chat tali nako, daghan ang naghisgot kalabot sa ilang mga problema sa kadaghan sa gisuportahan, gikan sa mga igsuon ngadto sa mga ginikanan. Labina gyud niadtong atong kaigsuonan nga naa sa gawas sa nasod manrabaho. Maora bag ang ilang pagtuo maorag dahon nga pamuniton ang dolyar didto, nga naghimong makaluluoy sa mga nahingtungdan.

Ang pagsuporta sa pamilya, pananglitan niadtong mga dalaga ug ulitawo pa, maayo. Kana kon dunay gipaeskwela, nasakit nga nagkinahanglan og suporta o sa mga kasong pang emergency.

Have something to report? Tell us in text, photos or videos.

Apan kon mao man gani nang gisaligan na lang sab sa tanan unya naay dagkog lawas nga wa manrabaho, lain na sab na nga estorya.

For updates from around the country, follow Sun.Star on Twitter

Sagad ra ba sa mga tawo nga naa sa sitwasyon nga ingon niini mao ang nangipon ug dunay trabaho. Pahimudsan na lang sab ug maoy saligan sa tanan. Naa man say batasan natong maikog, iluom na lang sab intawon.

Di baya ni maayo kon paandon na lang sab. Okay ra man nang mogasto, apan kutob ra sab sa makaya. Kon bug-at na man gani, mas maayo pang molain sa pagpuyo kay mahimo ra mang mangabang og kuwarto nga dunay ka share, kay sa mangipon nga imoha na tanan.

In the end, mas cheaper pa ning ingon ani, di magasto ang huna-huna ug malikayan pa ang mas dakong away sa umaabot nga mga adlaw.

Lain sab ang mga nangutana nako bahin ining pagsuporta sa pamilya nga bisan sa mga utang ug uban pang bayranan, ang kabanay sa abroad maoy pabaryon. Magbaguod sa pagbayad intawon.

Maora bag huna-huna nila nga sayon ra ang kuwarta. Wa intawon sila masayod nga duna intawoy uban nga manguskos sa ineduro aron lang maka euro o dolyar.

Okay ang magpada, apan kontrolahon kon pila. Sa ato pa, kinahanglang dunay budget nga itagana, di kay mopada bisan pila basta mangayo, ihatag ang tanan. While nagpakita na sa kaayo sa nagpada ingon man sa iyang pagmahal, mas makadaot na hinuon na.

Una, magsalig na lang sab ang nangahabilin dinhi sa atoa.

Ikaduha, madaot ang savings nga mas magamit ugma damlag kon duna nay dakong panginahanglan niini.

Naa ra ba dayon nang ingnon kang bati. Mabalaka sab dayon ang hingtungdan. Alang nako, mas importante nga nakahibawo ang Ginuon nga maayo ang akong intensyon, nagmahal ko sa tinuoray.

Kay sa mosayaw ka kon unsay ilang itukar, apan makawang lang ang mga paningkamot nimo.

Kining tanan nagdepende ra sab sa imong pagpasabot. Basta di lang dautan ang tumong, that is just fine.

NOY KULAS