Tambagi ko Noy Kulas: Nagmahay na

Wednesday, March 17, 2010

DEAR Noy Kulas,

Good day to you and to your avid readers. This is my first time nga nisuwat ko nimo. Just call me Honey, 26. My problem is about my lovelife. Naa koy nauyab, Noy. Two months na mi niya and he told me everything sa iyang past. Apan ako gihapon siyang gisugot bisan kon naa na siyay girlfriend nga toa na sa abroad.

Have something to report? Tell us in text, photos or videos.

Noy, pregnant man ko og one month na. Ako siyang gisultihan apan, iya ra nag gisumbalik pagpangutana kon “unsaon man na nimo?

.” Nagbalik ra ba diay sila sa iyang uyab. Naglagot gyud ko sa iyang tinubagan. Maorag wa siyay buot nga motubag nga naa man unta siya sa hustong edad.

Click here for Election 2010 updates

Wa man pud koy plano nga makig minyo niya, Noy, kay wa man siyay trabaho. Usa pud maorag wa siyay plano sa iyang life karon. Kon wa siyay kuwarta, akoy mohatag niya dayon iya rang iinom sa iyang mga barkada.

Karon pa ko nakahuna-huna, Noy, ngano nga ako siyang gisugot. My question is. unsaon man nako pagsulti akong parents nga buntis ko? Di pud ko gusto nga makahibawo sila kinsa ang nakapamabdos nako. Sigurado ko nga ila gyud nga ikasuko og maayo ngano nga nipunit kog lalakeng way grado. Nagmahay gyud ko, Noy.

HONEY

Hon,

Maayong adlaw nimo diha. Bitaw no, nganong imo man siyang gisugot nga unta di man siya worth? Mao sab nay pangutana sa ubang mga babaye nga nasugamak sab og lalake sama nimo. Kay tuod kon imong huna-hunaon, unsa may ugma nimo sa lalake nga maglisod gani sa pagpakaon sa iyang kaugalingon? Nga ultimo pagpainom ikaw pa man ang mohatag gani. Magpas-an ka gyud tuod og krus kon masugamak ka niya.

Nadala ka lang sa tam-is niyang mga atik hinungdan nga na-shot ka sa spur of the moment. Mao nay rason nga naglibog ka nganong nisugot ug nitugyan ka pa gyud sa imong pagka babaye kaniya. Mao ni ang resulta sab sa pagpasulabi sa pagbati, di sa sentido komon. Kay di gyud unta maproblema ang babaye kon anha na sud sa kaminyuon itugyan ang pagkababaye.

Sultihi ang imong mga ginikanan nga mabdos ka ug kinsa ang amahan. Ayaw kahadlok nga kasab-an ka kay naandan lang na.

Molabay ra sab nang ilang kasuko, labina kon makakita na sila sa ilang apo. What matters now is maayo ang bata ug ang imong pagpanganak puhon. Mas importante na kay sa kon unsaon nimo sa pagsulti ang imong mga ginikanan sa nahitabo nimo.

Kay sa ako nang giingon ang kasuko molabay lang. Maora ra nag uwan ba nga moagi lang, ang kahayag maoy mosunod.

Kon duna nay trabaho ang amahan nianang imong gisabak, paningli og support. Di man gani, ang iyang parents ang sultihi. Kon gusto sab ka, mahimo mang imong ipaila o ipa acknowledge sa amahan ang iyang anak unyag kahimugso niini. Apan imo na nang desisyon.

NOY KULAS