DEAR Noy Kulas,

MYSTERY

Mystery,

Maayong adlaw kanimo ug sa imong boyfriend. I am happy nga imong gi-acknowledge ang imong sala. Mao nay first step sa atong pagpangayog pasaylo sa Ginuo sa kasaypanan nga atong gibuhat.

Diha sa pag-ila sa sala nga atong gibuhat, nalipay na siya.

Karon nagbasol ka sa imong gibuhat sa pagpakuha sa bata diha sa imong sabakan. Ug di pa gyud kay nagbasol, you are also in pain sa imong gibuhat kay gianugnan ka sa kinabuhi nga imong gikutlo.

Mao nay rason gyud nganong masakitan ka everytime nga makakita ka, di ba?

Sa imong na-feel sud na sa tulo ka mga tuig nga regret, guilt ug pain, God is happy kay nagbasol ka man sa imong sala.

Ayaw kahadloki ang Ginuo kay He loves us so much. Imo na mang giila, giangkon, gibasulan ug giantusan ang imong sala nga nahimo, gipasaylo ka na sa Diyos. Ayaw pagtuo nga way kapasayloan ang imong sala tungod kay nianhi si Kristo sa yuta tungod niana. The next thing nga imong pagabuhaton, ako nang gi email kanimo.

Don’t be afraid. God loves you so much. Mao ni ang naka amazing sa grace sa Diyos.

Karon bitawng panahuna no, sayon na lang kaayo ang pagkutlo sa mga inosente gikan sa sabakan. Wa bayay sala ang bata nga gikuha sa sabakan kay ang nakasala mao man ang manag-uyab.

Ang pag-atubang sa resulta sa pagmabdos nga wa sa panahon, labina sa manag-uyab, mas sayon kay kadiyot ra.

Molabay ra. Apan ang pagpas-an sa kasal-anan bunga sa aborsyon mas grabe ug di sayon kay mamahimo kining antuson sa tibuok mong kinabuhi. Hinaot unta, Mystery, nga kining nahitabo kanimo mamahimong leksyon niadtong mga managhigugmaay.

NOY KULAS