Tambagi ko Noy Kulas: Nagpatunto(1)

Friday, July 30, 2010

DEAR Noy Kulas,

Good day to you. I hope you and your family are always in good health and in good mood.I am one of your avid readers but sometimes di ko kapalit. But I do really appreciate and admire the way you advice since before. Noy, please hide my real name and e-mail. Just call me Crazy Lady, 23, taga Cebu.

Have something to report? Tell us in text, photos or videos.

I am a single mom already. My problem is all about myself, my life for being me.

Updates on President Benigno Aquino III's presidency

And sa akong lovelife nga gikalag na seguro ko ani. Ani man gud noy the father of my baby is still involved until now but in a discreet way pero bisan pa man naa gihapoy makakita namo sa among place. Sa amoa ra mi magkita.

Maklaro gihapon nga kami nag-ipon bisan nagtago-tago ra mi.

Kon asa ko mokalit lang siya og tunga. Di siya mosugot nga naa kay ka text nga lain apan siya dunay laing uyab. Tanan nakong lakaw kinahanglang makahibawo siya. I think iya kong sundan.

Ang iyang uyab maoy nauyonan sa iyang parents kay professional pud sama niya. Ako ultimo ra gud ko. Iyang GF welcome kaayo sa ilaha. Mao ni ang nakasakit og maayo kay nahigugma gud kog maayo niya. Kadaghan na kong higayon nga ako siyang kalimtan.

Nag change pa gani ko og number. But still magpangita gihapon ko niya.

Ako siyang gisultihan nga nimabdos ko dihang niabot siya gikan sa gawas kay gidestino man siya didto. Daghan kaayo siyag estorya nga di kuno iyaha kay imposible kuno.

Matod niya nga magminyo siya apan niadto ra unta tong 2009 apan hangtod karon wa pa gyud.

Niadtong higayuna wa ko mamugos niya, akong gikaya ang tanan.

Kanunay lang kong nangadye sa Ginuo. Nagtuo gani kong masakit sa kasingkasing ang akong anak. Nag-ampo ko sa Ginuo nga iya kong hatagan og suwerte bisan kadiyot lang aron maluwas ang akong anak.

Nakauyab kog foreigner nga niduaw nako ug nakadawat sa akong sitwasyon. Siya ang nigasto sa akong pagpanganak apan wa mi magdugay kay duna siyay laing kalibutan.

Mao niuli ko sa amoa ug nagkakita mig balik sa papa sa akong anak. Nakigbalik siya kanako ug sa akong katanga, nakigbalik ko bisan sa iyang gibuhat. Ambot wa man sab ko masuko niya o magdumot kay di man ko kahibawo ana. Human sa akong foreigner, naa na sab koy Hapon. Okay ra siya basta di lang Pinoy.

Apan naglagot ko niya kay grabe siya ka seloso unya wa pa gyud niya dawata ang bata.

Makigbuwag unta ko niya apan wa siya mosugot. Matod niya nakat-on na siyag love nako.

Hinuon nihatag na siyag sustento sa bata kay nakadawat na siya.

Okay ra man nako bisan wa kay pinadad-an man ko sa mga foreigner, karon Kano. Wa na man sab ang Hapon. Buwag uli ang among relasyon ining akong uyab. Ingon sa akong mama nga di ko magpatunto kay trapo ra ko kon itandi niya. Matod niya nga kon nadawat pa unta niya ang among anak, nganong di man niya huwaman aron dad-on sa ilaha nga unta silingan ra man mi. Di kaayo mi dug-ol kay karsada ilahang dapit samtang ang amoa sudlunon. (sumpayan)