DEAR Readers,

Maayong adlaw kaninyo. Una gyud namong Alls Saints ug All Souls Day nga wa si Mary Heart nga buhi uban kanamo. Among giduaw ang iyang lubnganan sa Talamban Catholic cemetery. Ambot wa ba kahay nahibung nganong naghilak ko samtang nagsud-ong sa iyang lubong.

Nakadawat na man ko ug ang akong pamilya nga wa na siya physically uban kanamo. Apan ang kamingaw usahay di gyud maantos. Ako lang gihapon nga ma-imagine ang iyang gipangbuhat sa balay dihang uban pa siya kanamo. Magsaka ang adlaw maglain na ang akong paminaw kay naandan man gud nga maghungit ko niya sa pamahaw ug paniudto. Mag-andam kaniya alang sa tunghaan sa kinder 2 sa Bacayan pinaagi sa pagpakaon, pag-andam sa iyang uniform ug sapatos. Magsudlay sa iyang buhok nga magkalkag tungod sa pagduwa nianang buntag.

Sun.Star accepts donations for victims of Typhoon Ondoy

Usahay ang kamingaw maorag lion nga mokalit lang og hasmag nga di lang paabuton. Mokalit og kahaw-ang ang sud sa dughan hangtod makaamgo ka na lang nga gimingaw ka nag maayo kaniya.

Di pa ko dugay nga makaharong og tan-aw sa iyang picture, but sometimes, ang kasakit sa kamingaw di gyud maaguwanta, I have to cry.

Ang nahitabo niya naka alter gyud sa unsay naandan sa akong pamilya. But it is very positive and very profound. Sakto gyud si Sr. Supt. Anthony Obenza nga ang imong kinabuhi will never be the same. Mao nang di mi mogamit sa termino nga recovery, kon di coping and healing. But ang healing in time ra gyud sa Ginuo. Siya may atong gabayan sa tanang kalisdanan sa atong kinabuhi. Gani, thru prayers, matibhangan ang ako ug amoang kamingaw ni Heart. Mao ra man gyud ni ang atong connection kanila tungod kay spirit na man sila. Ang pag-ampo alang man sab sa atong espiritu kay mao sab ni ang iyang pagkaon. Pinaagi niini maka communicate ta nila.

Karon nga nag-angat ang Pasko ug Bag-ong Tuig, maorag nahadlok pa ko sa mao nga mga adlaw. Lisod pang huna-hunaon nga magsaulog ming pamilya nga wa siya.

Usahay gani, matimbakuwas man ko nga matug kon mokalit lag hasmag ang kamingaw kay dug gud mi pirme. Although nibalhin na kog side sa higdaanan kay di gyud nako makaya. Mao man sab ni ang gibuhat nila ni Dodong ug Judith Osmeña nga namatyan sab sa ilang 6-anyos nga anak nga si Elton Karl niadtong August 15.

Kami man ang magsigeg contact, labina si Dodong, kay pulos man mi maoy labing suod sa among mga anak. Mao ni ang among nahisgutan, labina niadtong kuyog ming mga magtiayon uban kang Jenny, nag-estorya parte sa among mga anak nga nitaliwan na.

We had a good cry. Puwerteng kapuya pagkahuman. Nakatug gani ko sa newsroom pag-abot nako.

Sa mga ginikanan nga nagbangutan pa, ayaw undangi ang inyong communication sa inyong mga anak nga mitaliwan na. Pag-ampo kanunay. Duaw sa sementeryo as often as possible. Pagpamisa kanunay kon Katuliko mo. Kami, amo gyud siyang hapiton gikan mi manimba. Magda mig buwak ug mga kandila. Ako makig estorya pirme niya. Thru these processes, ang pain matibhangan hangtod nga gaan na lang ang paminaw nimo samtang maglakat ang mga adlaw. Hugti kanunay ang imong kaugalingon pinaagi sa pag-ampo.

He is always with us. Our pain is His pain. Because God loves us so much.

NOY KULAS