Tambagi ko Noy Kulas: Torpe

Friday, February 5, 2010

Dear Noy Kulas,

Good day, Noy! I’m one of your avid readers on your colum. Just call me Mr. Perongski, 25. Noy, nanghinaot ko nga mahatagan mog katin-awan kining problemang nakapalubog sa akong pag kaako. Paborito ko ni imong colum.

Have something to report? Tell us in text, photos or videos.

Naglibog gyud ko kon nganong mahadlok ko manguyab. Abi nimo, Noy, mauwaw man gyud ko kon makig-atubang na ko sa babaye nga akong gihigugma. Sa dili panghambog, aduna man sad ta koy ikapasigarbo sa akong pagkaako.May pagkaambungan man unta apan mokurog gyud ko og chicks na. Aduna na untay girl nga nakagusto nako.Tagoa lang siya sa ngan nga Badak. Gani she told me nga maghuwat ra siya kon when ko mo-court niya but honestly, Noy, its really hard for me.

Click here for stories and updates on the Sinulog 2010 Festival.

Nakagusto man sad ta ko niya apan, Noy, time nga manguyab na unta ko wala man gyud mubuka akong baba. Pwerte gyud nakong uwawa kay giingnan gyud ko sa girl nga bayot ba kuno ko. Noy, please tabangi intawon ko kay mao ra gyud ni akong weakness.

Ang ako na hinuon nga friend ang nakauyab sa girl nga taguon lang sa ngan nga Toroy. Ambot, Noy, naglibog na gyud ko ani. Ang akong mga pangutana mao kini: 1) Noy unsa man ang mga paagi sa pagpanguyab? 2) Can you give me an advice on how to develop myself in front of the girl I love? 3) Give me some tips on what’s the first thing to do sa pagpanguyab, Noy. Nanghinaot ko, Noy, nga unta mahatagan nimo og katin- awan kining tanan. Daghang salamat and more blessings!

PERONGSKI

Perongski,

Maayong adlaw diha nimo. Nagkatawa ko kay nahinumdom sab ko nako sa una, mamugnaw ang wait unya mokurog ang kamot kon moatubang na og babaye kay manguyab lagi. Unya lisod bukahon ang baba.

Panington ka pag bugbog ug ang imong heart mag-palpitate, nga maora kag nakainom og usa ka gallon nga kape.

But kanang pagpanguyab sa sugod ra nang kuyaw. Sa sunod niana di na ka magkurog kay naka-experience na man ka. Sa sinugdan ra nang ingon niana. Apan wa ka ba makahibawo nga ang mga babayeng panguyaban basta esplikaran nag sugod gikuyawan sab na? Daghan kog mga amiga kaniadto nga mosulting kulbaan sab diay sila sa mga lalake nga manguyab na. Labina kon ganahan sila or naglibog unsay buhaton, sugton ba o-di.

Besides, di man ka bitayon kon di ka sugton. Just be natural kon mosulti ka na. Maora ka lang og nagsulti nga duna kay feeling niya. Or simply lang nga I love you. Mangutana man na sila kon ngano. I explain nimo, bisan magkabunga-bunga ka unsay ganahan nimo niya. Ipagawas ra gyud nang pagbati nimo ug nganong naka feel kag ingon niana. Kay naa man gyuy hinungdan nganong nahigugma ka o dunay pagbati niya. But never plan kon kanus-a ug asa nimo siya panguyabi. Kana lang makakita kag lugar o feel nimo nga mosulti niya. Kay kon mag set man gud kag adlaw ug oras, mas kuyawan ka tungod sa pag expect sa hitabo. Mas maayo nang spontaneous o kalit lang ba. Sa uban pang sulti, just a spur of the moment.

Ingon ra man na niana. Naa say uban nga kuyawan manguyab kay low og self-esteem. Manggiuwawon kaayo bisan kon wa siyay angay nga ikauwaw. That counts a lot kon nganong dunay torpe. Bisan pag hatagan ta kag formula, kon duna kay personality problem, di gyud ni magsilbe.

NOY KULAS