KARON nga nahibawo na ang iyang mga paryente nga naa sad diri, nagubot sila. Nagniwang siya karon, Noy, kay kuwang kanunay sa pahulay kay magsige man gihapon sila og kita ug tawag tawag bisan tunga na sa kagabihon.

Gibaharan si Arlyn sa iyang mga paryente nga kon mopadayon siya sa iyang binuhatan ilang papahawaon ang iyang inahan ug anak nga naa sa balay sa ginikanan sa akong bana kay mabuhi naman niya ang iyang pamilya pero nagsige pa gihapon sila ug kita, pero karon ako nang i inform nila kon unsa na ang binuhatan ni Arlyn karon.

Before miabot kini nga lalake sa iyang kinabuhi Noy daghan na ni siya og nauyab, ma Pilipino man o malaing lahi. Niingon sila, Noy, nga ilang i inform ang asawa sa lalake aron mahunong na ang ilang binuhatan nga di maayo apan hangtod karon wa silay gibuhat.

For updates from around the country, follow Sun.Star on Twitter

Ako, Noy, naglibog sad ko. Naa koy contact number sa babaye nga naa sa Pilipinas apan nagduha-duha usab ko kay matod pa sa akong inahan kinabuhi ni Arlyn kini, iyang problema dapat siya ang mangita ug way nga masulbad. Apan ang akong bana magsige og ingon nako nga akong tug-anan ang babaye bahin sa kalihukan sa iyang bana, mao naglibog ko, Noy, kay maora ko og gihasol sa akong konsensya.

Babaye lang sad ko Noy ug asawa, di sad ko gusto nga mahitabo na sa akong pamilya, di ko gusto nga magmata lang ko ug buntag.

Naluoy ko naghuna huna sa babaye nga nagmata lang siya og buntag. Wa siyay kalibutan sa binuhatan sa iyang bana.

Di bale unta, Noy, kon di pa Pilipina ang unang asawa. Unsay angay nakong buhaton, Noy? Hinaut nga imo kong matabangan ani nga problema. Please advise me what to do. Thanks and more power to you.

DEBIE

Debs,

Maayong adlaw. Una, sorry nga kining imong suwat karon pa gyud nako napatik tungod kay nalubong ni sa daghan kaayong e-mails nga akong nadawat. Bisan dugay na, ako ning gipatik aron sab kakuhaag leksyon sa uban nga dunay samang kasinatian. Kay kini ra ba komon nga problema diha sa abroad.

Bitaw, nindot unta ipanghilabot sa problema nianang bayhana kay di man gyud maayo. But, kon huna-hunaon man gud, di mo blood-related. Iya ganing pamilya wa gani makaako sa pagbuhat og lakang aron masanta nang iyang kabuang, ikaw pa nga wa gyud moy relasyon. Ang angay mobuhat nianag lakang mao ang iyang pamilya, apil na ang iyang bana kay sila man ang related.

Papahawaon sa inyong gipuy-an aron tudloan siya og leksyon.

Kon wa silay numero sa babaye, hatagi aron sila nay manawag.

While I understand sa imong feeling nga gitunto nianang tawhana ang iyang asawa, di man sab gud proper nga ikaw ang mangunay sa pagyagyag. Let her family do the job.

By the way, most of all, she needs counseling kabahin nianang iyang attachment sa mga lalake. Maybe dunay psychological reason nganong ingon niana siya.

Usa pa sab, she needs attention bisan sa inyong ka busy. Kon inyo siyang i-isolate, mosamot na hinuon ang problema.

If there is no other recourse, then ang pagpabalhin niyag puyo is the best alternative aron di na sab mo mahasol.

NOY KULAS