Team gitukod aron mogukod sa gangs

Saturday, March 20, 2010

TUNGOD sa nagsakang mga kaso sa mga insidente nga dunay kalambigitan sa gangs, si Cebu City Police Office (CCPO) Director Patrocinio Comendador mibuhi pagbalik sa Anti-Street Hoodlums Team (A-Shot).

Ang team tahasan sa paggukod sa mga sakop sa mga gang nga nalambigit sa mga krimen.

Have something to report? Tell us in text, photos or videos.

Si Comendador niingon nga ang team langkuban sa unom ka mga pulis nga pangulohan ni Sr. Insp. Bonifacio Garciano.

Click here for Election 2010 updates

Matod niya nga naaghat siya sa pag-reactivate sa team tungod kay sa matag security planning nga pasiugdahan sa kapulisan ug giapilan sa nagkadaiyang hingtungdan, ang suliran sa gang wars maoy kanunay mag-una ug gikabalak-ang hulga sa kahusay ug kalinaw.

Si Comendador niingon niluwat siyag direktiba niadtong Miyerkules.

Ang team magsugod sa ilang tahas ning semanaha.

Ang team wa lang tahasi sa pagpatrolya, apil na sab niini ang tahas sa pag-serve og warrants batok sa mga sakop sa mga gang.

Ang nagpakita nga nisaka og siyam ka mga kaso kon itandi sa 2009.

Si Comendador niila sa mga Barangay Carreta, Sambag, Guadalupe, Pardo, Tejero, Labangon ug Panganiban area nga mga dapit nga dunay suliran sa gang.

Siya niingon nga nagpaabot siyang makadawat sa epekto sa mga operasyon sa team.

Gawas sa pagbuhig balik sa team, si Comendador nimando sab sa tanang station commanders sa nahingtungdang barangay sa pagpakig coordinate sa mga ginikanan sa mga gang member.

Pangayoan sab kini og tabang sa pagbantay sa mga kalihukan sa ilang tagsa-tagsa ka mga anak.

Ang mga gang nga nangalambigit sa mga krimen mao ang Bloods ug Crips.

Ang duha ka mga grupo higpit kaayo managkaribal ug ang ilang mga sakop nagbinaslanay.

Ning bag-o, upat ka mga tawo ang nangamatay sa gang-related nga mga hitabo nga gikalambigitan sa nahisgutang mga grupo. (JTG sa Sun.Star Cebu )