NITUMAW ang tensyon kagahapon sa buntag sa barangay Lahug human ang kadagkuan sa University of the Philippines mokoral unta sa luna nga giukopahan sa mga nasunogan.

Kagahapon ang mga biktima sa sunog nagbarikada human nga ang ilang luna koralon na unta sa UP administration personnel dala ang mga sikyu.

Sun.Star accepts donations for victims of Typhoon Ondoy

Adunay dapit sa nasunogan niadtong miaging adlaw ang giangkon nga ila sa UP ug kagahapon sa buntag ila na untang koralon gamit ang barbed wire.

Samtang ang UP nipadalag mga security guard ingon man mga pulis aron maoy momintinar sa kahusay ug kalinaw.

Apan ang mga lumolupyo hugot na sa ilang baruganan nga di nila ipakoral ang luna.

Ilang gihulagway ang UP nga way kaluoy nga panahon sa ilang kalisod diin gawas nga nabiktima sila sa sunog, ila pang koralon ang dapit nga mosamot nga wa na silay kapuy-an.

Si barangay Konsehal Dodong Taborada niingon nga di sila mosugot nga koralon ang dapit hangtod nga way ihatag nga relocation site ang UP ingon man permit nga nagkoral sa luna.

Ang representante sa UP nga si Alsidry Sharif, supervising  administrative officer, niingon nga ila ang luna ug wa na sila magkinahanglan pang mokuhag permit aron koralon base sa opinion sa ilang abogado.

Hinuon wa gyod madayon ang pagkoral human nga si Brgy. Kapitan Mary Ann Delos Santos nakig-dialogue uban sa kadagkuan sa UP.

Sila niingon nga ilang tabangan ang mga biktima nga di mapapahawa hangtod nga way relocation site, samtang wa pa say mapakitang dukomentong ang UP nga sila ang tag-iya sa luna.