Tindera’g chicharon, 1st timer hari ug hara sa Cebu Milo 21-k marathon
Sunday, September 5, 2010
More Sections
USA ka tindero og chicharon ug bag-ong partisipante maoy mipatugbabaw sa men’s ug women’s divison sa 6th leg sa 34th Milo Marathon kagahapon nga gisalmotan sa kapin sa 23,000 ka mga runners sa Cebu Sports Center.
Si Adonis Singson ang wa lang una maninda og chicharon aron suwayan ang iyang katakos sa maong natad sa paugnat sa kusog nga maoy nakapakurat sa nga inilang runners sa 21-k run sa oras nga 1:15:15 aron iuli ang P10,000 nga top prize ug ingon tiket alang sa National finals sa Manila karong Disyembre 12.
Have something to report? Tell us in text, photos or videos.
Ang wa pagsalmot sa defending champion nga si Mendel Lopez kinsa kasamtangang adtoa sa Manila alang sa board examination, maoy nakapataas sa kompiyansa ni Singson aron dominahon ang Cebu leg diin siya ikatulo lang sa niaging tuig.
Ang 21 anyos nga si Mary Joy Tabal, kinsa una pa lang gyung higayon nga nakasalmot sa 21K event milupig sa inilog ug defending champion Madelyn Carter sa katapusang kilometro aron langkaton usab ang P10,000 cash nga ganti.
Gihukman ni Tabal ang lumba sulod lang sa 1:28:44 samtang ang 30 anyos nga Carter igo lang nahiluna sa ikaduhang puwesto sa oras nga 1:31:30. Ikatulo si Emily Rosas (1:52:56).
Sa 10-k run, si Jordan Bacon maoy milangkat sa titulo ug nagsunod kaniya sila si Reprinel Banzon ug Robert Daang samtang sa women’s division si Christy Sevillano mao usab ang midominar. Ikaduha si Gladys May Sumile ug dayon si Celestina Lim.
