Titser sa hayskol sa Naga gikiha sa Ombudsman

Friday, July 30, 2010

GIREKLAMO ang usa ka magtutudlo sa high school nga nagbase sa dakbayan sa Naga, Sugbo ngadto sa Office of the Ombudsman-Visayas nunot sa giingong pagpakauwaw niya sa iyang tinun-an sa makadaghang higayon nga niresulta sa pag-undang sa pagtungha.

Si Joselyn Diaz, magtutudlo sa Tuyan National High School, gitumbok sa inahan sa tinun-an nga si Rytt Gabriel Valencia uban ni Benjamin Paclibar, kinsa guardian usab sa tinun-an, nga angay imbestigahon ang magtutudlo sa iyang gibuhat unya pasakahan sa kasong kreminal ug administratiba.

Have something to report? Tell us in text, photos or videos.

Updates on President Benigno Aquino III's presidency

Matod ni Valencia nga ang iyang anak transferee unya ang giisyo niining report card gihatag niya kang Diaz isip adviser niini sa Tuyan National High School niadtong school year 2007-2008.

Apan, nawagtang ang report card sa iyang bata kay gibutang sa bag sa magtutudlo apan gilabni sa wa mailhing tawo unya nalakip ang naasoyng dokumento.

Nag-estorya sila ni Diaz sa buhatan ni Phoebe Alvaran, principal sa tunghaan, nga diha ang presensya sa guidance counselor sa tunghaan. Nagkasabot sila nga mosumiter og affidavit of loss ang magtutudlo apan wa kini mahimo hinuon ang iyang anak maoy gipugos og pagpapirma niini.

May samang insidente ang nahitabo usab nga nahanaw ang report card sa iyang anak atol sa pagtungha niini sa summer class niadtong 2009 nga nadiskubrehan sa adviser niya dihang nagtungha siya sa 4th year.

Gawas niini, may laing insidente niadtong Hulyo 2008 atol sa klase nga gidala ni Diaz nga gipakauwawan nga iyang anak sa pag-ingon nga “ngano misud paka diri? Nagdala kag samok sa klase.”

“Such incident is very traumatic to my son, he was so ashamed to face his classmates again and as a consequence, he did not return to all his classes anymore,” matod sa suwat reklamo ni Valencia.

Samang insidente, ang nahitabo usab dihang nagtungha sa 4th year ang iyang anak dihang wa na usab ni pasudla sa klase bisan pa man sa hangyo sa adviser sa tinun-an nga pasudlon siya busa wa na usab siya nisud sa iyang klase hangtod nga gitaktak siya sa klase.

Apan, may suwat si Diaz nga nangayog pasaylo nilang Valencia kay nahitabo nga nadala lang siya sa iyang emosyon tungod sa daghang problema sa kinabuhi nga iyang natagamtaman. (JECT)