Tom kanunay milapas sa balaod, matod ni Atan
Wednesday, April 28, 2010
More Sections
DI angay mahimong kongresista si Cebu City Mayor Tomas Osmena kay di kamaong motuman og balaod.
Kini maoy uwahing pamahayag sa iyang kaatbang nga si Jonathan Guardo tungod sa pagbiyahe sa mga Kaoshiung bus sa probinsya nga way mga plate number.
Have something to report? Tell us in text, photos or videos.
Click here for Election 2010 updates
Si Guardo nga makigsakbang sa mayor sa pagka-kongresista sa south district niingon nga di angay mahimong magbabalaod si Osmena gumikan kay kanunay ra kining mo-violate sa mga balaod.
Ang gipanglapas nga mga lagda sa mayor naglakip sa usa sa nag-unang suliran sa siyudad nga mao ang vigilante killing ug pagsige gihapon og bitbit sa mayor og armas bisan pa man sa gipatuman nga gun ban sa Commission on Election (Comelec).
Dakong kalapasan usab ang pagpamalit og boto gamit ang kuwarta sa siyudad ug ang paggamit sa mga empleyado sa city hall alang sa kampanya.
Hinuon wa na kini ikahibung ni Guardo kay matod niya naninguha gyud ang mayor nga makadaog ilabina na nga nagkahinay ang dagan sa iyang kampanya.
“But the mayor has resorted in a vote buying spree even proudly announcing a P600million political budget because he is running for congressman. City hall employees from department heads down to summer job personnel are being used to prop up his failing campaign,” nagkanayon si Guardo.
Laing kalapasan nga gihimo sa mayor, dugang ni Guardo, mao ang pagkatanggong sa walo ka mga Kaoshiung bus sa lungsod sa Barili kay way mga plate number ug wa say registration paper.
Nagtuo hinuon ang city hall nga politika ang rason sa pagtanggong sa mga bus gumikan kay kontra man ang mayor ug si Gov. Gwen Garcia ug karon ra usab kini nahitabo bisan kon kadaghan nang magbiyahe ang maong mga bus sa probinsiya. (CPL)
