Tunacao balik OPBF champ

Sunday, February 7, 2010

NAANGKON pagbalik ni Malcolm “Eagle Eye” Tuñacao ang Oriental and Pacific Boxing Federation (OPBF) bantamweight title pinaagi sa split decision nga kadaugan batok kang South Korean Seung Suk-Chae kagahapon sa Mungyoeng, South Korea.

Saktong binukbokay sab gyud ang naagian ni Tuñacao una niya nasakmit pagbalik ang titulo, nga gibiyaan ni Russain Alexander Bakhtin aron moaway og WBC title eliminator karong Pebrero 22.

Have something to report? Tell us in text, photos or videos.

Click here for stories and updates on the Sinulog 2010 Festival.

Misaka si Tuñacao sa 25-2-3, 15KOs samtang si Seung natagak sa 16-2, 6KOs nga baraha.

Si Tuñacao maoy nanag-iya kanhi ning maong titulo apan nailog kini sa iyang kababayang si Rolly Lunas pinaagi sa technical decision niadtong Enero, 2007.

Gikan niadto, tulo ra ka mga away ang naagian ni Tuñacao gumikan kay gihasol siya sa iyang angol sa tuo nga kamot.

Apan dihang hingpit nga naalim ang angol ni Tuñacao, hayan seryuso siyang mobalik sa ensayo aron angkunon pagbalik ang OPBF title.