NINGSUNOD ang UC Webmasters sa laing duha ka Sugbuanong teams nga nakasulod sa Sweet 16 sa Philippine Collegiate Championship League (PCCL) nga sugdan karong Nobiyembre 23 sa Manila.

Kini human naangkon sa Webmasters ang ikaduhang puwesto sa PCCL Cebu Zonals sa miaging adlaw human sa ilang 103-86 nga kadaugan batok sa University of San Jose Recoletos (USJ-R) Jaguars sa Cebu Colisuem.

"The Manny Pacquiao Blog". Click here for stories and updates on the Filipino boxing champ.

Ang ningpatigbabaw nga duha sa Cebu Zonals mao ang nakaabante sa Sweet 16.

Ang Webmasters nahilambigit sa triple tie sa 2-1 nga baraha kauban ang Adamson University Falcon sa Manila ug San Sebastian Baycats sa Cavite.

Nahitabo ang triple tie dihang gipakaging sa Baycats ang mas inilog nga Falcons, 88-78, sa laing duwa.

Pinaagi sa quotient system nga gigamit sa FIBA, ang Baycats maoy nahimong no.1 dala ang 1.06 nga quotient, ikaduha ang Webmasters nga adunay 1.013 unya ikatulo ang Falcons nga adunay 0.956.

Hinuon human sa ilang duwa batok sa Baycats, si Falcons coach Leo Autria opisyal nga nipadangat og protesta.

Gireklamo ni Austria ang tawag sa mga referee nga surambaw ug pabor gyud ngadto sa Baycats.

“May conspiracy na nangyayari, nawala na yung fair play. Alam nang mga referee ang quotient kaya tinutulungan nila ang kabila,” pagreklamo ni Austria.

Gani nagtuo si Austria nga gipangbayran ang mga referee hinungdan nga ningdapig gyud kini sa Baycats.

Ang Webmasters makig-uban sa USC Warriors ug Cesafi 9-time champion UV Green Lancers isip mga representante sa Sugbo sa Sweet 16.

Ang Warriors nakasulod sa Sweet 16 human kini nakalusot sa Bacolod Zonals samtang ang Green Lancers gipaabante na’g diretso isip kampiyon sa Cesafi.

UC (103)- Fajardo 26, Juliane 26, Mohammad 16, Quilantang 10, Abella 8, Cayanong 5, Luceno 4, Tano 3, Bernil 2, Miranda 2, Gomez 1.

USJ-R (86)- Pateno 12, Suliman 12, Duran 11, Lapiz 9, Bibera 9, Dela Peña 7, Amores 7, Villaver 7, Dela Rama 3, Albarillo 2, Nudalo 2, Alquisola 1.