Ulo sa hubog naigo sa bato, namatay
Saturday, March 20, 2010
More Sections
NADAKIN-AS ug nabunal ang ulo sa usa ka stone craft worker nga niresulta sa iyang hinanaling kamatayon samtang nahitabo ang lamok-lamok tali sa iya ra nga kauban sa trabaho.
Ang iyang kauban nangayo ra untag pasaylo kaniya tungod sa init nilang panaglalis, apan nasuko gihapon siya.
Have something to report? Tell us in text, photos or videos.
Wa na matabang sa mga mananambal sa Lapu-Lapu City Hospital ang biktima nga si Violeto Lechido, 39, minyo, taga-Hangar Road, barangay Basak, dakbayan sa Lapu-Lapu.
Click here for Election 2010 updates
Base sa initial nga imbestigasyon sa kapulisan nga nianang pagka-alas 7:22 sa miaging gabii, sila si Lechido ug ang kauban niini nga si Artemio Inario, 47, minyo, usa usab ka stone craft worker, nagkasabot nga mag-inom.
Nitumaw ang panaglalis tali sa duruha dihang sila nangahubog.Unang nipauli ang biktima ug giapas ni Inario.
Si Inario nagpunay og pangayo og pasaylo kang Lechido, kinsa nahiubos sa ilang sinukliay sa mahait nga pulong.
Inay nga pasayluon ni Lechido ang iyang kauban, sa iyang kapungot, iya kining gitukmod hinungdan nga nalabay si Inario sa kural nga ginama sa kawayan.
Nisuway sa pag-uwang ang ilang duha ka mga silingan. Apan atol sa lamok-lamok nawala sa iyang balanse si Lechido hinungdan sa iyang pagkatumba. (FVQ)
