UV Lancers kaging sa USC Warriors
Monday, March 22, 2010
More Sections
GIPAKAGING na sab sa San Marino Corned Tuna-University of San Carlos (USC) Warriors ang mas inilog nga PTT Fuel/UV Green Lancers, 105-94, sa miaging gabii sa Game 1 sa ilang semi-finals best-of-three series sa Cesafi-sanctioned 2010 Partner’s Cup seniors division sa Cebu Coliseum.
Kini maoy ikaduhang higayon nga gilupig sa Warriors ang Green Lancers ning maong torneyo sunod sa ilang 78-74 nga kadaugan sa eliminasyon niadtong Enero 31.
Have something to report? Tell us in text, photos or videos.
Naglisod ang Warriors sa nag-unang tulo quarters ug naggukod sila’g 10 puntos pagsulod sa 4th quarter.
Click here for Election 2010 updates
Apan sa 4th quarter, nagbangis gyud og maayo ang Warriors ni coach Mike Reyes ug nagpauwan kini’g opensiba sa gawas aron lupigon ang Green Lancers, 31-10, sa pinuntosay sa ning maong quarter nga maoy nagpadaog kanila.
Gipangulohan ni Jun Cantonao ang kadaugan pinaagi sa iyang 24 puntos, ningdugang og 17 puntos kada usa sila si Cid Cortes ug Sam Hermosa samtang niamot og 14 puntos si Giovannie Padillo.
Ang Green Lancers ni coach Elmer Cabahug gipangulohan ni Phil Mercader pinaagi sa iyang 26 puntos samtang niamot og 14 puntos si Ralph Olivares.
Sa laing semis series, sama sa gilauman, naunhan sa no.1 team Ave Maria Sanctuary Park/USJ-R Jaguars ang Aerosol Lion Tiger/USPF Panthers, 83-70.
Kontrolado gyud sa Jaguars ni coach Edito Salacut ang kombati gikan sa sinugdanan hangtod sa katapusan.
Adunay higayon nga nakapanghudlat ang Panthers ni coach Ral Latonio sa 4th quarter apan napakgang ra usab dayon sila sa Jaguars.
Ang beteranong si Manny Gabas maoy nangulo sa Jaguars pinaagi sa iyang 16 puntos unya miamot og 10 puntos ang laing beterano nga si Arman Ponce.
