UV vs. Ateneo

Wednesday, September 1, 2010

Mga duwa karon
3:00 pm-USPF batok UC (jrs)
4:30 pm- CIT batok USJ-R (jrs)
6:00 pm- SHSJ batok UV (jrs)

ILUGAN sa University of the Visayas (UV) Baby Green Lancers ug Sacred Heart School Jesuits-Ateneo de Cebu (SHSJ-AdC) Magis Eagles ang ikaduhang puwesto sa ilang panagharong sa main game karong gabii sa Cebu Schools Athletic Foundation Inc. (CESAFI) high school division sa Cebu Coliseum.

Have something to report? Tell us in text, photos or videos.

Updates on President Benigno Aquino III's presidency

Sa kasamtangan, ang Magis Eagles naa sa ikaduhang luna dala ang 4-2 nga baraha diin ilang gikauban ang University of Cebu (UC) Baby Webmasters samtang ang Baby Green Lancers naa sa ikatulo bitbit ang 3-1 nga rekord.

Kon modaog karon ang Green Lancers, hayan masolo nila ang ikaduhang luna ug aduna pa’y dakong posibilidad nga mailugan nila sa liderato ang kasamtangang nag-una nga Cebu Eastern College (CEC) Dragons (6-1).

Sa laing duwa, ang Baby Webmasters makigkontra sa University of Southern Philippines Foundation (USPF) Baby Panthers (3-2).

Importante kaayo kining duwaa hilabi na sa habig sa Baby Panthers, nga nagtinguhang makakumpayot pa aron masulod sa top 4 nga mao ang manag-iya og twice-to-beat nga bintaha sa quarter-finals.

Mag-engkuwentro sab ang defending champion Cebu Institute of Technology (CIT) Baby Wild Kittens (2-3) ug University of San Jose Recoletos (USJ-R) Baby Jaguars (1-4).

Ang Wild Kittens ug Baby Jaguars pulos wala nay poruhan nga makasud sa top 4 apan importante gihapon kining duwaa kanila aron makakuha og mas maayo nga posisyon sa quarter-finals.