GISIGNIT sa mga sakop sa National Bureau of Investigation (NBI) - 7 si kanhi Mayor Gilbert Wagas sa Lungsod sa Compostela, Cebu kagahapon sa hapon sa usa sa dakong mall sa North Reclamation Area.

Ang NBI-7 nga midakop ni Wagas nga armado sa bench warrant gikan Sandigan Bayan gipangulohan ni Atty. Bernard Dela Cruz.

Sun.Star accepts donations for victims of Typhoon Ondoy

Ang mga arresting officer nipaila kang Wagas ug niimbeta sa niini sa ilang buhatan, apan si Wagas nipahibawo una nga iyang pahibaw-on ang iyang legal counsel ug manghod niining si Mayor Richie Wagas.

Gikatahong napugos pagpusas ang mga NBI operative sa dihang naglakaw-lakaw ang kanhi mayor samtang nanawag.

Kasaligang tinubdan nibutyag nga dihang mi resist si Wagas nangatumba kini uban sa mga sakop sa NBI atol sa pagpusas.

Ang kampo sa pamilyang Wagas may pagduda nga may bulok pulitika ang pag aresto sa kanhi mayor nga gikatahong modagan pagka kongresista sa 5th district ning umaabot nga piniliay.

"Its ridiculous nga 2003 pa na iyang bench warrant unya karon pa mogawas nga iya naman nang naserbisyohan sa una ug toa na na sa Supreme Court ang kaso," batbat ni Rolly Chica, consultant on media affairs sa Compostela. (Daniel Quindao Guden)