Yap ga-una sa MVP race

Tuesday, March 9, 2010

NAG-UNA karon sa inilugay sa most valuable player (MVP) award si James Yap sa Purefoods TJ Giants alang sa Philippine Basketball Associa-tion (PBA) 2010 season.

Apan nagkanayon si Yap, kinsa maoy nidawat sa Best Player of the Conference award sa bag-u-hay lang nahuman nga PBA Philippine Cup, nga dili sayon ang iyang sitwasyon.

Have something to report? Tell us in text, photos or videos.

"The Manny Pacquiao Blog". Click here for stories and updates on the Filipino boxing champ.

Kini gumikan kay ang iyang higpit nga karibal sa inilugay sa MVP trophy mao man ang iyang higala ug kauban nga si Kerby Raymundo.

Gipasabot ni Yap nga pareho sila ni Raymundo nga gustong modaog og kampiyunato ang ilang kampo ug modaog sab sa MVP title.

Niadtong 2005-06 All-Filipino Conference, higpit sab nga nagribal sila si Yap ug Raymundo sa inilugay sa MVP diin midaog si Yap.

Gipasabot ni Yap nga sagolsagol ang iyang gibati niadtong higayuna kay nalipay siya nga sila maoy mikampiyon unya nakuha niya ang MVP title apan nagguol siya kay napilde niya sa MVP race ang iyang higala.

Karon nga season, hayaghayag na sab gyud nga makuha ni Yap ang ikaduha niyang MVP title.

Basi sa statistics, 18 sa katapusang 24 ka mga kandidato alang sa MVP award, kansang team maoy mikmapiyon, mao gyud ang nakaangkon sa labing dakong individual award.

Kon maayo gihapon ang ipakita sa TJ Giants sa sunod nga komperen-siya, hayan dako ang poruhan ni Yap nga makaangkon na sab og laing MVP title.

Si Yap nipadayag nga ning higayuna, mas ipalabi niyang si Raymundo maoy modaog sa MVP title.