Dear Atty. Joan,
Ako usa ka amahan ni Cathy, 6 anyos. Nagkuyug mi ni Cathy padung sa merkado sa dihang kabantay mi ni Juan. Si Juan usa ka 10 years old nga bata. Nagsige ug panglabay si Juan ug bato padung ni Cathy, gi-sige pa kini ug bugal-bugalan, taghuyan, ug pamalikas. Sa akong kalagot, akong giduol si Juan ug gikuptan iyang kamot para muhunung ug pang-labay ug bato. Sa dihang nihunong siya, ako siyang gi-pangutana ngano iya ning gibuhat. Ako sad siya gileksyunan nga dili na kini buhaton. Karon, gikiha-an ko ug child abuse sa Mama ni Juan. Child abuse na ba to?
Elo
Dear Elo,
Dili tanang buhat sa mga taw batok sa bata matawag og child abuse.
Kung ang akto batok sa bata wala gitumong para magbinuang, pakauwawan, o pagtamay sa dignidad or bililhon sa bata, dili kini makonsiderar nga pag-abuso sa bata.
Ang imong reaksyon or lihok makonsiderar nga kalit-kalit nga reaksyon sa kalagot ug lupig nga amahanong kabalaka sa imong anak nga anaa sa peligro sa gibuhat ni Juan. Busa, base sa impormasyon nga imong gihatag, ang imong akto dili makonsiderar nga Child Abuse.
Atty. Joan
(Kini opinyon lamang nga nag-base sa inyong lakbit-saysay ug kini pwede nga mausab kun dugang pa nga mapatin-awan ang mga detalye. Kon adunay pa kamoy mga pangutana nga adunay kalabutan sa katungod sa mga bata, mahimo kamong mokontak sa hotline 0908-896-0355)
Gikan sa Children's Legal Bureau