STEPHANIE Bag-ong pambato ni Vehnee Saturno
Si Stephanie ang usa sa mga sakup sa all-female band nga “PowerTrio” sa Cebu ug sa dili madugay ilusad na siya isip solo artist ubos sa pagduma sa multi awarded-winning composer ug all-time hitmaker, Vehnee Saturno.
Sa edad nga 19, si Steph exposed na sa kinabuhi kay siya ang kaabag sa iyang Mama Aida Patana aron molambo ang ilang M. Talents Events and Promotions ug sa uban pa nilang mga negosyo sama sa pagpamaligya og mga imported nga bino ug cleaning chemicals. Stephanie Mananquil, Sssuper Ka!
Asa ka na-discover?
Since kinder tigkantahan na gyud ko, akong No. 1 fan pa ato akong mama Aida, who is very supportive even until now. Pagdaug nakong first runner-up sa “Glow, the Search for Cebu’s Pop Performer” maorag didto na nagsugod. Nahimo kong front act ni Coco Martin sa Manila, sa show ni Daniel Padilla, naka-guest ko sa Walang Tulugan ni Kuya Germs…
I understand you’re working now with your debut album?
Yes, nag-record na ko kadtong didto mi sa Manila recently. Mobalik pa ko next month para i-record ang ubang kanta.
Asa ka nag-record?
Sa studio ni Tito Vehnee (Saturno) sa Quezon City. Everytime mag-record mi naa gyud siya mo-supervise nako. Naa sad ang iyang anak nga mangunay sa mixing.
Giunsa man ka pag-guide ni Vehnee?
Iya kong pangutan-on kung kaya ba nako ang nota, kung kaya pa nako tas-on. Iya kong tudloan asa mokuhag hangin.
Si Vehnee ang composer sa tanang kanta nimo sa album?
Yes, all songs were written and composed by Tito Vehnee. Tulo ka Tagalog ug tulo ka English, including a duet with Michael Pangilinan (nikanta sa “Crossroads” nga theme song sa pelikulang “The Love Affair”.)
Pila ka take per song?
Mga kaduha ra man kay kung dunay usbon kato ra man nga portion ang among balikon. Nagkita sad mi didto ni Morrisette Amon (Cebuana singer nga regular na sa ASAP). A day before that ako sad nakit-an ni Klarisse (The Voice first runner-up). Mag-record kuno silag theme song sa teleserye?
Unsay title sa imong album?
Wala pay title pero I think ako rang pangan, self-titled album, “Stephanie.”
Kinsay nag-arrange sa imong mga kanta?
Si Kuya Homer Cang (usa sa mga inilang arranger sa Sugbo).
Ngano nagkaila man sad mo ni Vehnee?
Mentor man ni Kuya Homer si Vehnee.
Kanus-a ma-release ang album?
Target date namo karong tuiga. Maayo unta inig birthday nako karong November 5. Tabangan man ko ni Tito Vehnee. In a way, maora siyag stepping stone aron makasud ko sa showbiz sa Manila kay mao man gyud nay akong damgo, kay actor man sad ko.
Unsay imong acting experience?
Nakaworkshop na ko ni Leo Martinez, then naapil ko sa iyang pelikulang “Gangster Lolo”. Nigawas sad ko sa teleserye sa TV5-Cebu before, kadtong “Guardian Blade.”
Di kaha mabiyaan nimo ang imong PowerTrio kon magsolo artist na ka?
Supportive ra man sila. Busy man sad sila karon sa ilang studies kay nibalik man og eskuwela si May Ann (iyang manghud) ug si Sam (Masumay Booc). Mao tong wala sila the other week sa among show kay duna silay exams.
Wa kay plano mobalik pud og eskwela?
Karong second sem nagplano kong mo-eskuwela og Music.
Kinsay imong musical influences?
Beyonce, Taylor Swift, Nicki Minaj, Miley Cyrus, J-Lo… sa local si Yeng Constantino,Sarah Geronimo…
Dapat mo-succeed ka kay mao ra ba nay damgo sa imong mama.
Lagi, mao bitaw focus na ko sa akong career. Ako gyung goal basta naa na koy enough money I’ll put up my own business. Dili sa ko anang uyab-uyab… sakit-sakit lang na sa dughan.
Kinsa may nakapasakit sa imong dughan?
Secret… (laughs) Wala na, ako nang gierase, charot.
Kaila ko?
DJ siya sa M___ Radio!
Pila mo ka years?
Mga one year and two months. Nagkaila mi sa teleserye sa TV5-Cebu kay actor man sad siya. Kauban pud mi sa BigFoot.
Kanus-a mo nag-break?
Two months ago. Sakit uy kay first serious boyfriend nako siya. Akong first boyfriend high school pa ko, maora ra to’g puppy love. Karon kay it cuts like a knife (laughs).
Sige, invite our readers sa imong upcoming shows.
Yes, karong September naa ko sa Batangas with Alden Richards. Wala si Yaya Dub. Ako say Yaya Dub ni Alden didto. Usa sad ko sa front act sa concert ni Dulce sa Music Museum this coming October. As PowerTrio, we have a show on September 26 to 29 in Vietnam.