MAGTIGI na usab ang nagkadaiyang mga basketball team gikan sa pribado ug publikong tunghaan sa dakbayan atol sa pagpadayon sa aksyon sa Mayor Tinnex Jaraula Basketball Cup karong semanaha sa barangay Nazareth gym.

Sa Nobyembre 8, mag-agbat sa high school division ang St. Mary's Academy batok sa Fishers Valley Academy sa alas-9:00 sa buntag, samtang mag-engkwentro ang Gusa National High School ug Lapasan National High School sa alas-10:30 sa buntag.

Pagkahapon sa Sabado, masaksihan ang dula sa Pilgrim Christian College batok Consolacion National High School sa ala-1:00; St. Mary's School batok Oro Christian Grace School sa alas-2:30; Cagayan de Oro College batok Capitol University sa alas-4:00; Sacred Heart of Jesus Montessori School batok Liceo de Cagayan University sa alas-5:30 ug Cagayan de Oro National High School batok Indahag National High School sa ala-7:00 sa gabii.

Samtang pagkahapon sa Dominggo, Nobyembre 9, mag-atbang ang Capitol University batok Indahag National High School sa ala-1:00; Pilgrim Christian College batok Fishers Valley Academy sa ala-2:30 ug Misamis Oriental General Comprehensive High School batok Southern Philippines College sa alas-4:00 nga dula.

Sa college level, magsangka ang Cagayan de Oro College batok sa Asian Business Cooperative Academy sa ala-5:30 nga dula; ug Liceo de Cagayan University kontra sa Southern Philippines College sa ala-7:00 nga main game karong Dominggo sa gabii.

Ang Mayor Tinnex Jaraula Basketball Cup, nga gisuportahan sa kagamhanan sa Cagayan de Oro uban sa pagtambayayong ni Samahang Basketbol ng Pilipinas Region-X director Rogelio "Jigs" Jaraula, nagtumong sa pag-diskobre og mga bag-ong magdudula sa basketball gikan sa pampubliko ug pribadong tunghaan nga maoy mag-representar sa dakbayan sa mga nasyonal nga kompetisyon. (CIO).