2 lalaki naay kaso nasikpaw sa pulis
Saturday, March 20, 2010
More Sections
USA ka tricycle driver, laing usa pa ang gisignit sa mga sakop sa Digos City Police Office (DCPO) human gimando sa Municipal Circuit Trial Court (MCTC) ang pagpadlak kanila sa bilangguan.
Biyernes sa hapon, nasikpaw sa otoridad si Neph Branson Delator, 22, molupyo sa Sta. Ana, Barangay Tres de Mayo sa Digos.
Have something to report? Tell us in text, photos or videos.
Si Senior Police Officer 3 Renato Pena, warrant officer sa DCPO, nikanayon nga ang orden de aresto gipagula ni MCTC Presiding Judge Norma Ruste-Calatrava niadtong Marso 12.
Ni Pena, gisikop ang suspek aron patubagon sa criminal case number 17 (09) kun less serious physical injuries, apan wa nihatag og dugang detalye ang kapulisan kon kinsa ang nahimong biktima niini.
Sa samang adlaw, gibitbit sab sa kapulisan si Eddie Yalon, 29, minyo ug usa ka mamaligyaay og isda didto sa Sitio Punta Bi-ao, Barangay Cogon sa siyudad.
Sigon sa DCPO, gilapas sa dinakpan ang section 5 sa R.A. 9262 kun violence against women and their children act of 2004.
Gipagula ni Judge Albert Axalan ang mando pinetsahan Enero 6, 2010 sa Regional Trial Court Branch 20, og naka-doket kini sa criminal case number FC 223 (2009).
Sa kasamtangan, ang duha ka mga dinakpan nagtingkagol na sa selda sa kapulisan samtang gitakda ang pagtunol kanila ngadto sa korte. (Dondon Dinoy)
