3 minero nga gidagit sa rebelde gibuhian
Saturday, March 20, 2010
More Sections
GIBUHIAN na karon ang tulo ka mga minero nga gituohang gidagit sa mga sakop sa rebeldeng New People's Army (NPA).
Pasado alas 10:00 sa buntag niadtong Biyernes, gibuhian sa mga rebelde ang ilahang mga gipangdagit nga sila Jimboy Valiente, Janil Valiente ug Bolantoy Lintas nga pulos molupyo sa Barangay Calabcab, lungsod sa Maco, Compostela Valley.
Have something to report? Tell us in text, photos or videos.
Ang tulo ka mga gipangdagit, gihatud mismo sa mga rebelde didto sa Barangay Sangab sa maong lungsod diin gitagbo sila sa ilahang mga kabanay.
Gipahimangnuan lamang sa mga rebelde ang nahisgutang mga gidagit nga muundang na sa paggamit og ginadiling druga aron wala nay dautang mahitabo ngadto kanila.
Ang tulo ka mga gipangdagit, giingong gisikop sa mga NPA usa ka semana na ang milabay sa balay sa usa ka Felix Valiente sa nahisgutang dapit.
Gikatahong misukol pa si Felix hinungdan nga gipusil siya sa mga rebelde lakip si Jimboy nga misuway og ikyas.
Ang kapulisan sa lungsod sa Maco, niduso na karon og kasong illegal detention batok sa mga NPA nga responsable sa pagdagit sa mga biktima. (Marvin Pineda)
