Amapatuan gitudlo maoy tag-iya sa mga bala
Tuesday, February 9, 2010
More Sections
ANG pamilyang Ampatuan maoy gitudlo nga tag-iya sa mga tag-as nga matang sa bala nga napalgan bag-uhay lamang didto sa probinsiya sa Maguindanao.
Base sa nahagpat nga taho gikan sa Tactical Command Post sa 6th Infantry (Kampilan) Division sa Philippine Army, alas 11:00 sa gabii, Pebrero 8, nadiskubrehan sa mga ginsakpan sa 46th Infantry Battalion sa Philippine Army ug kapulisan ang gipanglubong nga bala sa septic-tank kilid sa mansiyon ni kanhi Maguindanao Governor Datu Andal Ampatuan.
Have something to report? Tell us in text, photos or videos.
Sa ilang pagkalot, nakuha nila ang 84 ka bala sa 81mm mortar, 60 mm, 57 mm ug 90rr bazooka nga mobuto pa kun gamiton. May tatak sab kini sa Department of National Defense- Armed Forces of the Philippines.
Gipahayag ni Maguindanao Police Provincial Director Senior Superintendent Alex Linesses nga mas gipalig-on pa nila ang operasyon batok mga miyembro sa special Cafgu ug Civilian Volunteer Organization sa mga Ampatuan.
Gikumpirma sab ni 6th ID G7 Chief Colonel Benjamin Hao nga mitabang ang Moro Islamic Liberation Front (MILF) sa paglutos sa mga Private Armed Groups sa Maguindanao.
Nanghinaut ang militar nga matag lihuk sa grupo dunay koordinasyon sa Government of the Republic of the Philippines/MILF Coordinating Committee on Cessation of Hostilities aron dili magka-engkwentro ngadto sa puwersa sa militar. (Edgardo Fuerzas)
