MAKALINGAW ang trailer sa labing uwahing offering sa Star Cinema nga Here Comes the Bride.

Ang maong movie, bidahan nila ni Eugene Domingo ug Angelica Panganiban. Anaa sab sa pelikula si John Lapus.

Ang makatawa mao ang istorya sa movie diin nagkinambiyuhay ang karakter sa mga bida.

Ang karakter ni John Lapus, napaingon kang Angelica nga role sa usa ka bading ug usa ka beautician. Sa trailer pa lang, makita na gayud nga maayo kaayo modala si Angelica nga usa ka bading.

Ang maong pelikula sab ang comeback movie nila ni Eugene ug John sa Star Cinema. Ang duha, pulos namalhin sa GMA-7.

Ang Quantum Films ang kaabag sa Star Cinema sa pag-produce sa pelikula.

Karong May 12, showing na ang pelikula nga ilawom sa direksiyon ni Chris Martinez.

Sa pikas bahin, giangkon ni Angelica nga usa ka buwan na silang wa magkauban sa jowa nga si Derek Ramsay.

Sa Here Comes the Bride presscon, si Angelica miangkon nga sad siya ug ginamingaw kang Derek.

"Ang dami kasing trabaho, tinapos niya 'yung Habang May Buhay, tapos ako naman, may Rubi, so, padalaw-dalaw na lang sa taping," niya.

Ang mag-sweetheart, gitakdang mag-bakasyon sa June. Sa Africa ang destinasyon sa duha ug one month silang mawala.

Gisulti ni Angelica nga dugay nilang gipanukaran ni Derek ang maong bakasyon. Two years ago pa daw dihang ilang gipa block-off ang petsa.

"Then, finally, last year, nagpaalam na kami (sa ABS-CBN) and pinayagan naman kami kasi ang tagal na nga ng advance," niya.

Anyway, may pahayag na sab si Angelica sa nanggawas nilang private photos ni Derek sa Boracay. Una nang nanubag si Derek sa isyu apan wa na sab makalikay niini si Angelica.

Alang ni Angelica, wa siya naapektuhan sa isyu. Hinuon, gibutyag niyang nasakitan ang iyang pamilya sa panghitabo. Kung siya lang daw, iya lamang kining huna-hunaon nga part sa trabaho.