Babaye naghikog

Monday, March 15, 2010

USA ka babaye ang gikatahong nagpakamatay sulod sa ilang balay didto sa Purok 2, Sta Rosa, Barangay Mambago A, Babak District, Island Garden City of Samal.

Ang biktima nailhan nga mao si Roche Sabanal, ug nagpuyo sa Purok 2.

Have something to report? Tell us in text, photos or videos.

Sa report gikan sa Davao del Norte nasayran nga pasado alas 8:00 sa gabii niadtong Biyernes napalgan ang biktima sa iyang inahan nga wa nay kinabuhi nga nagbitay sulod sa iyang lawak.

Ang biktima gituohang nagpakamatay pinaagi sa paghikot og habol sa iyang liog dayon bitay sa iyang kaugalingon ngadto sa kisame.

Gisuwayan pa og luwas ang biktima ug gidala sa ospital apan wa na kalahutay ug gideklara nga dead on arrival.

Wa matud pa napugngan sa iyang inahan ang biktima sa iyang pagpakamatay sanglit nag-inusara lamang kini sa iyang lawak.

Kapulisan mihimo na og dugang imbistigasyon sa hitabo.

Samtang gisusi usab sa kapulisan kung dunay foul play sa kamatayon niini. (Marvin Pineda)