Balay sa kandidato giitsahan og granada

Friday, March 5, 2010

POLITIKA ang gitumbok nga motibo sa mga otoridad sa nahitabong pag-itsa og granada sa bay sa usa ka lokal nga opisyal sa probinsiya sa Cotabato.

Sa report gikan sa Cotabato City Police Office, alas 12:40 sa udto, Marso 4, duha ka wala mailhing suspek sakay sa XRM nga motorsiklo ang miitsa og granada sa boarding house ni Maguindanao board member Datuwata Dimaukom.

Have something to report? Tell us in text, photos or videos.

Si Dimaukom nagpasubli pagka-mayor sa munisipyo sa Datu Saudi Ampatuan.

Atol sa insidente atua sab sa lugar si Datu Piang Vice-Mayor Jainwain Kamaong.

Maayo na lamang nga wala makabuto ang eksplosibo apan nakahimo pa ang mga suspek sa pagpa-arak sa ilang dalang armas.

Dali-dali nga gilutos sa mga nirespondeng pulis ang mga armado apan kalit lang kining nahanaw.

Dako ang pagtuo ni Cotabato City Police Director Sr. Supt. Willie Dangane nga politika gyud ang motibo sa pagpanglabay og granada sa mga suspek.

Gidugang ni Dangane nga may grupo na silang gisundan nga posibleng dunay kalabotan sa hitabo. (Edgardo Fuerzas)