USA ka improvised explosive device nga gisud sa usa ka bag ang napalgan sa usa ka Bachelor bus nga gikan sa dakbayan sa Davao ug paingon sa siyudad sa Mati.

Sumala sa mga taho nga ang Bachelor bus nga may body number 4035, naglatas sa Tagum National Highway mga alas 11:00 sa buntag dihang nakabantay ang usa ka pasahero sa bag nga gibilin sa usa ka wala mailhing pasahero sa Carmen, Davao del Norte ug nanaog sa usa sa mga bus stops sa Tagum City.

Pasulod na unta ang bus sa Tagum City bus terminal dihang nabantayan ang bag nga may bomba.

Dihang wa'y pasahero nga miangkon nga nanag-iya sa bag, nakahukom ang drayber sa pagdala sa bag sa police station aron unta sa pagpahipos niini.

Apan dihang gihiling sa kapulisan sa Tagum, ilang nakita ang IED nga gipahiyos ra usab dayon sa mga otoridad.

Gilayong girekisa ang bus sa mga otoridad una kini gitugtan nga mopadayon sa ilang pag-biyahe.

Padayon sa ilang imbestigasyon ang otoridad aron mailhan kung kinsa ang nagbilin sa bomba sa bus. Sila naglantaw karon sa posibilidad nga mga terrorista o kaha mga mangilkilay ang nagtanom sa bomba. (BOT)