SUBLING na-busy ang aktor nga si Dennis Trillo sa kasamtangan tungod sa pikas-pikas niyang projects.

Kahinumduman nga after sa mga serye, nipahuway si Dennis tungod sa iyang suliran sa tuhod dala sa taping sa action series sa Kapuso network.

Karon, naga-taping na si Dennis sa Darna isip kababata ni Narda nga gidalhan ni Marian Rivera.

Gawas niini, si Dennis sab ang nipuli sa hosting stint ni Dingdong Dantes sa Starstruck V.

Gitangtang si Dingdong sa reality-based artista show tungod kay ang aktor ang mopuli kang Richard Gomez isip host sa game show nga Family Feud.

Di na man god mamahimong makita pa si Goma sa usa ka TV regular TV show tungod kay modagan siya sa pagka-Congressman sa Ormoc City.

Makita na sab si Dennis matag Biyernes sa gag show nga Bubble Gang ug matag Sunday sa musical-variety show nga SOP.

Karon, may movie na sab si Dennis nga mao ang Mano Po 6: My Mother's Love diin iyang makauban si Megastar Sharon Cuneta ug ang dugay na niyang crush nga si Heart Evangelista.

Nagtuo si Dennis nga bawos sab kini sa di tiaw nga nasinati sa mga milabay nga mga buwan.

Bag-ohay lamang niya na-experience ang usa ka trahedya nga halos mipatay kaniya nga miresulta sab sa pagkamatay sa usa niya ka higala. Dungan sab halos niini ang pagbuwag nila ni Pauleen Luna.

"Ready na ulit akong mapagod," pahayag ni Dennis sa usa ka interview sa Philippine Entertainment Portal. "For the longest time kasi, after Adik Sa 'Yo, ang pinakaginagawa ko ay yung SOP at Bubble Gang lang. Once a week lang sila pareho. Marami rin kasi tayong pinagdaanan na mga bagay-bagay na kailangan nating magpahinga talaga.

"Ngayon, na-miss ko na ang mapagod talaga. Yung everyday na taping, nakaka-miss siya. Kaya noong bigyan ako ng role sa Darna, bakit ko naman hindi tatanggapin, di ba?" niya.