Dingdong, molayas sa GMA next year?
Sunday, March 21, 2010
More Sections
CHISMIS nga tapuson na lamang ni Dingdong Dantes ang iyang kontrata sa GMA this year ug go na go na gyud ang iyang pagbalhin sa TV 5 sa sunod tuig.
Sumala pa nga very close daw sila si Manny Pangilinan, onwer sa TV 5 ug Dingdong ug kini ang tinuod nga rason kung nganong naaghat daw ang aktor sa pagbalhin og estasyon.
Have something to report? Tell us in text, photos or videos.
Karon daw, di pa makabalhin si Dingdong tungod kay gawas nga daghan pa siya og commitments, di pa mamahimong putlon ang iyang kontrata.
Gani, next year, sa panahon nga mobalhin na si Dingdong, han-ay na ang tanang projects alang kaniya. Ang makalowkesh, exclusive contract daw ang pirmahan sa aktor. Ganun?
Kung mobalhin si Dingdong, siyempre, ma-connect kini sa kasamtangang sikat sa GMA nga girlfriend nga si Marian Rivera.
Apan lately, nangluod daw si Marian tungod kay natabunan ang iyang pagka-rayna sa GMA human nga miambak sa Kapuso ang kanhing Kapamilya big star nga si Claudine Barretto.
Samot daw nga naimbyerna si Marian dihang gibansagan si Claudine og "Teleserye Queen" sa GMA bisan wala pa gayud kini'y nahimo nga serye sa nahisgutang estasyon. Si Marian, nakadaghan na og serye sa GMA mao nga nalain gayud daw kini.
Nagpasabot ba nga mag-"may I join" si Marian sa iyang loveyduds Dingdong sa giingong pagbalhin sa TV 5?
