Dingdong nauwaw kang Zsa Zsa
Saturday, February 6, 2010
More Sections
HANGTUD karon, grabe gayud daw ang kauwaw nga gibati ni Dingdong Dantes ngadto kang Zsa Zsa Padilla may kalabutan sa break-up sa aktor ug sa anak sa Divine Diva nga si Karylle.
Kahinumduman nga una pa man nagbuwag si Karylle ug Dingdong, gisukmatan ni Zsa Zsa ang aktor bahin sa chismis nga uyab na ang uwahi ug si Marian Rivera.
Have something to report? Tell us in text, photos or videos.
Apan sad to say, ni-deny daw si Dingdong bahin niini. Dihang nag-break na gayud ang aktor ug si Karylle, nakumpirma gayud nga tinuod nga may relasyon sila ni Marian.
Karon, gusto daw ni Dingdong nga istoryahon si Zsa Zsa aron nga mo-explain.
Apan tungod kay di ana ka available si Zsa Zsa alang sa aktor, nagpatabang si Dingdong kang Karylle.
Gusto gayud daw nga mangayo og sorry si Dingdong sa gihimong pagpamakak kaniadto.
Apan ang maong hangyo ni Dingdong, igo lang gi-dedma ni Karylle.
Sumala daw ni Karylle, di na niya problema o tulumanon nga mohimo og paagi aron magkaistorya ang iyang inahan ug si Dingdong.
Pahayag ni Karylle nga kung unsa man ang nahitabo sa ilang past ni Dingdong, di na niya kini tulubagon ug kung namakak man ang aktor, iya na kining problema.
Namahayag sab kaniadto si Zsa Zsa nga if ever nga binuangan ni Dingdong si Karylle, siguradong manubag ang aktor kaniya. Tungod kay nahitabo gayud, siguradong 'utangan' na si Dingdong sa Divine Diva.
Magkaistorya kaha si Zsa Zsa ug Dingdong? Mapasaylo kaha sa singer ang aktor?
