Editoryal: Dureza naghangyo nga suportahan si Antonino
Saturday, September 4, 2010
More Sections
DUNA nay mopuli ni Abogado Jesus G. Dureza isip chairman sa Mindanao Development Authority.
Niadtong Biyernes, si Dureza sa usa ka press statement, nagpahibawo nga iya nang itunol ang iyang posisyon ngadto ni kanhi South Cotabato Representative Luwalhati Antonino.
Have something to report? Tell us in text, photos or videos.
Post your reaction to the Manila hostage crisis
Si Dureza nagsulti nga si kanhi Sen.Mar Roxas maoy nagpasabot kaniya nga si Presidente Aquino nagpili ni Antonino nga maoy ipuli kaniya.
Matud ni Dureza nga bisan tuod kun aduna siya'y "fixed term" nga 6 ka tuig sumala sa balaud nga nagtukod sa MinDA apan iyang hatagan og higayon si Aquino nga magbutang og iyang tawo nga maoy iyang saligan sa Mindanao.
Sumala niya nga ang chairman sa MinDA nagsilbi nga "alter ego" sa pangulo ug miyembro sa iyang gabinete. Nasabtan kining bahina ni Dureza.
Si Dureza naghangyo usab sa katawhan nga suportahan si Antonino sa iyang pagtubag ug pagtagad sa mga problema sa Mindanao.
Dili tuod tiaw ang pagasagubangon ni Antonino nga tahas kay dili lalim ang problema sa Mindanao.
Sa laing bahin, dunay mikatap nga akusasyon nga si Antonino gihulagway nga "anti-Muslim" niadtong kongresista pa siya.
Kini nga alegasyon angay nga iyang pamatud-an nga dili tinuod ug gawas niini, maayo sab nga ipakita niya nga wa masayop si Aquino sa pagbutang kaniya isip chair sa MinDA.
