Editoryal: Mga hospital giawhag pamub-an ang singil sa mga dengue patients

Tuesday, August 31, 2010

ANG Philippine Health Insurance Corporation (PhilHealth) naghangyo karon sa mga hospital sa kagamhanan nga paubsan ang bayranan nga singlon niini ngadto sa mga pasyente sa dengue.

Si PhilHealth president Rey Aquino nihangyo sa mga gipanag-iyahan sa gobyerno nga mga hospital nga ipadaplin una ang bisan pila nga kantidad nga kapin sa Philhealth coverage.

Have something to report? Tell us in text, photos or videos.

Post your reaction to the Manila hostage crisis

Sumala kaniya nga karon nga naghitak ang mga tawo - bata ug tiguwang - nga nagkasakit og dengue ug nagsugwak sa mga hospitals angay lamang nga pakubsan ang bayranan.

Niadtong miaging semana, ang Department of Health (DOH) nagtaho nga mga kaso sa dengue dinhi sa nasud miabot na sa 54,659 gikan sa Enero 1 ngadto sa Agosto 14 karong tuiga.

Mikabat na usab sa 429 ka mga tawo ang namatay sa sakit.

Matud ni Aquino, mga miyembro sa PhilHealth nga na-confined sa usa ka tertiary (kun Level 3) nga hospital makapahimulos hangtud sa P500 matag adlaw nga bayranan sa hospital room ug laing P4,200 alang sa mga tambal. Dugang P3,200 gigahin usab sa bayranan alang sa x-ray ug ubang laboratory exams wa pay labut ang Php1,200 alang sa professional fee sa 'attending physician'.

Kinahanglan usab tingali nga mga hospital sa kagamhanan magbatun og mga medisina tungod kay sa panahon nga adunay resita sa doktor mobalibad man ang pharmacy nga wa sila nagbatun sa tambal hinungdan nga magkapuliki na sab ang mga tagtungod sa mga pasyente pagpangita og ikapalit niini.

Hinuon, maayo kining lakang karon sa PhilHealth ug siguradong makatabang sa katawhan.