Editoryal: Si Robredo nagpa-ugat?
Wednesday, September 8, 2010
More Sections
LAHI gyud ang atong kultura. Kadtong hostage crisis kun nahitabo pa sa ubang mga nasud sama sa Japan, daghan unta nga mga opisyal nga nalambigit sa palpak nga pagluwas sa mga hostages ang nang-resayn.
Apan dinhi sa atong nasud lisud ni mahitabo kay ang tanan nagpaugat. Tan-awa lamang si Department of Internior and Local Government Secretary Jesse Robredo. Isip kalihim sa DILG dako unta siya og nahimo sa kalampusan sa rescue operations tungod kay aduna may poder ang iyang ahensiya ngadto sa mga pulis.
Have something to report? Tell us in text, photos or videos.
Post your reaction to the Manila hostage crisis
Apan atol sa hostage crisis didto sa Luneta, wa tay nadungog kang Robredo ug wa ta siya nakita sa mga tv footage.Unsa kahay iyang gihimo niadtong tungora?
Ang labing maot pa guud tungod kay pagkahuman sa krisis namugna ang Incident Investigation and Review Committee nga gipangulohan ni Justice Secretary Leila de Lima.
Si Robredo nahimo hinuong miyembro sa maong komite. Porbida ning tawhana!
Ang labaw nga nakapalaksot dinhi tungod kay si Robredo nga dako og tulubagon unsay iyang nahimo atol sa krisis, miapil na man hinuon pag-imbistigar sa mga pulis ug mga sibilyan nga nalambigit sa napalpak nga rescue operations.
Unsa kahay nakita ni Presidenti Noynoy Aquino kang Robredo nga gihatahan man og dakong tahas nga nasuta naman nga wa siya'y "umoy" pag-abot sa pagsulbad sa dagkong problema?
Wa kaha gilumay ang atong Presidenti?
Kun si Robredo usa pa ka Japanese, human gayud sa krisis nagresayn na siya. Apan wa kini gibuhat sa atong amigo, nagpa-ugat!
