Editoryal: SKY Cable naunsa na?

Sunday, September 5, 2010

BUOT sa mga tawo nga malingaw.

Tungod niini, daghang mga matang sa kalingawan ang ilang napili imbes nga magpunay og tuk-ong ug maglantaw sa lain-laing mga trahedya nga nahitabo sa ilang kinabuhi ug sa atong nasud.

Have something to report? Tell us in text, photos or videos.

Post your reaction to the Manila hostage crisis

Usa sa mga maayong kalingawan mao ang paglantaw sa mga programa ug pelikula nga gipasundayag sa cable tv.

Luyo sa kapit-os sa panahon, nag-antus sila sa pagbayad sa binuwan nga P675 nga bayranan sa cable tv.

Karong bag-o dunay mga subscriber sa cable tv mipalag na tungod kay daghang mga paborito nilang channel kalit lang nawala.

Apil na dinhi kadtong nag-okupa sa Canadian program sa channel 79, 66 sa Espanya, 64 sa Australia ug uban pa.

Isip "filler" gibutangan nila og Fox Crime ang channel 79, gibutangan sab og CNN ang 66 ug Discovery ang channel 64. Kini nga mga programa nag-exist na sa ubang mga channel.

Hinuon duna pay ubang mga channel nga dunay mga "movies" ug ubang programa apan ang suliran nakita na sa mga subscriber ang ubang pasundayag o pelikula.

Sa laktud, gibalik lang. Unsay tawag niini nga estilo sa Sky Cable?

Mga programa sa mga channel kalit lang mangawala nga di gani sila maghatag og notisya ngadto sa ilang mga subscriber unsay rason.

Sa pagka karon, pipila na lang ka channel ang atong malantaw gawas na lang kun mag-antus ta og tan-aw sa mga block time programs.

Di sab ta kasabot sa ilang programming.

Ehemplo ang BBC nga usa ka maayong channel. Tua ilang gilabay ang BBC sa channel 99.

Unta mangita dayon ang management sa SKY Cable og maayong mga programa isip puli sa mga nindot sab nga pasundayag nga nahanaw aron dili maalkanse ang mga subscriber sa ilang gibayad matag buwan.