Fetus napalgan, inahan gipangita aron patubagon

Saturday, July 31, 2010

USA ka fetus nga gituohang gilabay napalgan sa usa ka bakanting luna didto sa Barangay Pindasan, lungsod sa Mabini, Comval Province, Miyerkules sa buntag.

Sa report gikan sa Mabini Municipal Police Station nasayran nga pasado alas 8:00 sa buntag napalgan sa usa ka Sonny Tirol, molupyo sa maong lugar ang fetus nga gituohang gibilin sa iyang inahan sa usa ka bakanting luna.

Have something to report? Tell us in text, photos or videos.

Dili pa sab masuta sa mga otoridad kung pila na ka bulan ang fetus nga gipakuha sa iyang inahan.

Sa inisyal nga imbestigasyon sa mga otoridad, nasayran nga posibling gianod sa tubig sa Tagbalaohao River ang bata gikan sa iababaw nga bahin.

Gilubong dayon sa mga otoridad ug mga ospiyal sa barangay ang napalgang fetus aron mahiluna.

Kapulisan sa lungsod sa Mabini padayong misusi aron sayron kung kinsa ang inahan sa maong anghel nga naglabay kaniya sa nahisgutang lugar.

Gisusi sa mga otoridad ang ibabaw nga bahin sa maong sapa kung dunay bay nagsabak nga babaye ang maoy nagpakuha sa bata sulod sa iyang sabakan. (Marvin Pineda)