GIHIMO ang story conference sa primetime series ng GMA-7 nga Darna.

Last May, una nang gipahibawo nga si Marian Rivera ang mamahimong Darna apan ang iyang leading man ug uban nga cast sa serye, wa pa masayri.

Karon, nasayran nga si Mark Anthony Fernandez ang modala sa papel nga Efren.. Dugay na daw diay nga gitagana kang Mark ang maong papel ug hagbay ra siyang nasayud niini.

Sa pikas bahin, ang mamahimong kontrabida ni Marian mao si Iwa Moto isip Valentina.

Lain pang cast mao sila Nadine Samonte, Isabel Oli ug Ehra Madrigal nga pulos mga makalaban ni Darna. Sila si Rita Avila ug Jestoni Alarcon ang mga ginikanan ni Narda (ang alter-ego ni Darna); Janice de Belen isip inahan ni Valentina; Paolo Contis isip mahan ni Valentina nga hari sa mga bitin; Buboy Villar isi Ding; ug Celia Rodriguez isip supervisor sa ampunan diin nidako si Narda.

Anaa sab sa cast sila Alfred Vargas, Angel Aquino, Bearwin Meily, Margaret Wilson, Caridad Sanchez, Gabby Eigenmann ug Roxanne Barcelo.

Direktor sa Darna mao si Dominic Zapata ug Don Michael Perez.