Genoguin: P1-B funding sa kandidato sa komunista

Thursday, February 4, 2010

SULOD sa 41 ka tuig, nagkakusog ug milambo ang kalihukang komunista sa atong nasud sa Pilipinas. Sa pagtukod ni Jose Maria Sison niadtong 1968, mga estudyante sa mga inilang mga kolehiyo ug unibersidad ang ilang unang gi-organisa hangtud nga ilang gisudlan ang sektor sa mga mamumuo, mag-uuma, transport, mga magtutudlo, mga kababayenhan ug media. Halos tanang sektor sa atong katilingban ilang gipa-alsa batok sa demokrasyang sistema sa atong panggobyerno.

Sa dihang nakompleto na, nagtukod siya'g armado, ang New People's Army (NPA) niadtong 1969. Niadtong panahona, dili pa hulga sa atong estado kining partido komunista sa Pilipias. Mikusog kini pag-ayo sa dihang gihimong rason ni kanhi Presidente Ferdinand Marcos ang padeklara og martial law niadtong 1972 kay lagi kuno nagkakusog ang rebelyon sa atong nasud. Pero ang tinuod gusto lang niya nga mahimong diktador sa atong nasud.

Have something to report? Tell us in text, photos or videos.

Naglaylo sa makadiyot ang kalihukang rebelyon sa dihang gipalagpot si Marcos niadtong 1986. Ang tuyo, maniid kon unsa na usab ang bag-ong patakaran sa bag-ong presidente sa dihang nagmugna og bag-ong constitution si Presidente Cory Aquino. Hilom nga nahimuot ang kalihukang komunista sa Pilipinas tungod kay ang bag-ong constitution, halos tanan pabor sa ilang pagpakigbisog.

Una, gipamuhian ang tanang political prisoner, pinangulohan sa founder nga si Jose Maria Sison, Bernabe Buscayno alyas Kumander Dante ug uban pa. Ang pag-angkon og yuta sa mga nangayo ug gipasulod sa mga dagkong hacienda. Kini ang sistema sa agraryo ni Aquino nga lahi sa sistemang agraryo ni Marcos pinaagi sa emancipation of tenants.

Misamot kalig-on ang ilang pakigbisog sa dihang makaapil na sila sa pamolitika pinaagi sa partylist ug ang hanig sa ilang pagpakigbisog pinaagi Commission on Human Rights nga gigamit nilang propaganda batok sa mga militar. Ug labaw sa tanan, paglingkod ni Presidente Fidel Ramos nga giwagtang ang Republic Act 1700 nga dili na outlaw ang Communist Party of the Philippines (CPP).

Ubay-ubay na ang mga kongresista karon nga anaa sa ubos balay balaoranan nga iya sa komunista. Kini mao ang party-list Bayan Muna, Gabriela, Anak Pawis, Kabataan ug uban pa.

Si Sison nagmando sa mga kadagkuan sa CPP nga hatagan og badyet nga P1 bilyon ang mga kandidato sa komunista nga midagan sa national nga posisyon kun senador, ug mga lokal nga kandidato.

Dinhi na mipalag si Benito Tiamzon, ang pangulo sa CPP-NPA Military Commission sa Pilipinas nga dili mosugot sa sugyot ni Sison. Ang katarungan ni Tiamzon nga dili siya gusto nga molambo ang politikanhong aspeto sa partido. Ang gusto niya nga gamiton ang P1 bilyon para sa rebolusyon kun madugo nga pakigbisog sa katarungan nga wala gihapo'y mahimo kining mga tawhana nga misalga sa pamolitika sanglit mga minority sila sa kongreso.

Paminawa ang "KONTRA BALANSE" sa DXKT, 1071 sa dial sa inyong mga radyo, 6-7 sa buntag, gikan Lunes hangtud Sabado. Ug "KONEKSYON" matag Biyernes, alas 7-8 sa buntag.