Gi-ambush, pulis angol

Saturday, March 20, 2010

USA ka pulis sa Pantao Ragat ang naangol human gibanhigan sa mga armadong grupo didto sa Lanao del Norte.

Kini ang gibutyag ni Lanao del Norte Police Provincial Director Superintendent Rolando Binas.

Have something to report? Tell us in text, photos or videos.

Matud ni Binas nga nagpatrolya ang mga pulis uban sa mga sundalo banda alas 7:40 sa gabii, Marso 19, dihang gibanhigan sila sa mga armadong tawo.

Gikanayon ni Binas nga dili mga private armies ang mi-ambush sa mga pulis ug militar sa lungsod.

Ang pulis nga naangol naila nga si Police Officer 2 Ronald Bihag.

Luwas na siya sa makuyaw'ng kahimtang human madapati og medikal nga atensiyon sa Lanao Del Norte Provincial Hospital.

Gilusad na sa militar ug kapulisan ang manhunt operation batok sa gitumbok nga sakop sa MILF lost Command nga maoy mibanhig sa mga sundalo ug pulis. (Edgardo Fuerzas)