Island Garden City of Samal: 12th Founding Anniversary malampuson

Sunday, March 14, 2010

MALIPAYONG gisaulog sa lokal nga panggamhanan sa Island Garden City of Samal ang ilang 12th founding anniversary niadtong Marso 7.

Nagkalain-laing aktibidad ang gihan-ay alang sa usa ka semana nga kalingawan nga pormal nga gibuksan, Marso 1.

Have something to report? Tell us in text, photos or videos.

Duyog sa tumong nga mapalambo pa ang paugnat sa kusog sa lugar, mga kabatan-onan misalmot og basketball tournament.

Gipaabot sab ni Igacos Mayor Aniano P. Antalan ang iyang State of the City Address (Soca), kun diin gihatagan niini og pagyagyag ang six-point executive-legislative agenda nga mao ang: "reduction on Internal Revenue Allotment (IRA), sustainable urbanization, food security, social welfare and development, good urban governance, and public order and safety. "

Wala lamang niya giyagyag ang mga naangkong kalampusan subay sa maong tumong, apan gisulti sab niya ang mga hagit nga giatubang aron kini makab-ot.

Gihimo sab ang agro-trade fair nga mihatag og dugang bulok sa selebrasyon kun diin gibaligya dinhi ang mga nag-unang produkto sa siyudad.

Nasaksihan sab ang "cookfest" kun diin mga partisipante mipakita sa ilang abilidad paggama og usa ka produkto gamit ang mangga nga magsilbing "trademark pasalubong" sa Samal.

Mas nahimong mabulukon ang kagabhion tungod sa mga floats nga misuroy sa nag-unang kadalanan sa isla.

Wa sab pauwahi ang mga kabatan-onan sa pagbirit, mipakita sa ilang gilas sa pagkanta atol sa Singing Bulilit Contest, ang indigay sa pagpangita og "little singing diva."

Nakita sab ang mabulukong bigiw nga milawig gikan Villarica wharf ngadto Babak, Kaputian Beach Park kun asa gihimo ang sand sculpture competition (pag-ukit sa pantad).

Nagtigi sab ang 16 ka mga maanyag nga dalaga aron maangkon ang titulong Ms. Samal Island 2010.

Subay sa tema nga "Siyudad sa Samal, Dose Anyos Padayon sa Pag-uswag," nagpamatuod kini nga ang Island Garden City of Samal nagpadayon sa iyang paglawig sa kalambuan.

Sa pikas bahin, gilauman nga ang Igacos gikan sa pagka-fourth class municipal city mahimo na kining third class municipal city tungod sa pagtaas sa kita niini niadtong 2009.

Atol sa iyang Soca, sa Peñaplata Gym, Peñaplata, si Antalan nagsulti nga naka-angkon og dakong kinitaan ang siyudad, ug subay niini hangyuon nila nga i-upgrade ang ilang kategoriya isip siyudad sa Department of Finance.

Giyagyag sab sa mayor ang iyang six-point agenda alang sa iyang nahibiling termino hangtud sa piliay karong Mayo.

Pagatutukan sa mayor ang: "increase in revenues of P74 million or 27% for the city, P68 million from its Internal Revenue Allotment (IRA) and P6 million from local taxes."

Buot sab nga hatagan og pagtagad sa mayor ang pagpanalipud sa kinaiyahan pinaagi sa infrastructure, waste management, coastal resources management ug reforestation.

Ang seguridad sa pagkaon dunay tulo ka punto nga mao ang konstruksiyon sa 13 ka green houses alang sa "high value crops."

Gihisgutan sab ang social welfare and development nga maglangkub sa social welfare services, Dalit Serbisyo Publiko Program.

Samtang ang ikalima nga agenda maghatag og pagtagad sa good urban governance, human resources development, pagmugna og Citizen's Charter Manual isip kabahin sa implementasyon sa Republic Act 9485 o Anti-Red Tape Act. (uban ang SSD)