JC wa nagmahay nga mibiya na sa Kapuso
Friday, March 19, 2010
More Sections
MARCH 17, pormal na gayud nga gipaila-ila si JC de Vera isip laing talent nga nakuha sa TV 5. Si JC, mibiya sa iyang project sa GMA nga Panday Kids bugti sa mas nindot nga offer sa TV 5.
Sumala sa manager ni JC nga si Annabelle Rama, di mabalibaran ang offer sa TV 5 kang JC tungod kay may tulo kini ka shows nga himuon sa estasyon. Gawas niini, guaranteed ang kontrata niya nga nagpasabot nga may monthly dats (datung) siya bisan wala siya'y himuong trabaho, plus, non-exclusive sab ang contract.
Have something to report? Tell us in text, photos or videos.
Alang kang JC dihang gi-interview sa press, "no regrets, only a feeling of joy and relief" ang iyang drama.
Una nang na-chika nga March 14 pa dihang nag-expire ang kontrata ni JC sa Kapuso network.
Aminado si JC nga usa sa rason sa iyang pagbalhin mao ang bangi sa manager niyang si Annabelle ug GMA executive nga si Wilma Galvante.
"Mahirap umalis dun sa GMA, lalong-lalo na sila ang nag-mold sa akin, kumbaga doon ako lumaki. Nahirapan talaga ako mag-decide. Pero 'yon nga, one thing kung bakit ako nag-decide umalis talaga sa GMA is because 'yon nga 'yong problema namin ni Tita Annabelle kay Ma'am Wilma. Good timing lang din 'yong offer ng TV5 kasi mag-e-end talaga 'yong contract ko, so nagkasabay," pagpasabot ni JC.
Apan bisan pa man sa pagbalhin ni JC, gibutyag niyang dako gihapon ang iyang respeto kang Wilma.
Unom ka tuig sab sa GMA si JC ug iyang gisulti nga mas buot niyang hinumduman ang mga maayong memories.
