AMINADO si Jennylyn Mercado nga sad siya sa pagka-priso sa iyang kanhing personal assistant nga si Rowena "Mel" Pulmano tungod sa sala nga qualified theft.

Si Jennylyn ang mipasang-at sa kaso tungod sa pag-waldas sa kanhing PA sa iyang salapi pinaagi sa pag-peke sa iyang mga pirma.

Pahayag ni Jennylyn nga di sayon alang kaniya nga makita ang nagsilbi niyang nanay-nanayan nga makulong apan kinahanglan sab niyang pakigbisugan ang kaso ilabina kay dakong kantidad ang nawala kaniya.

Alang kang Jen, wala na kaniya ang desisyon, naa na sa korte since nasang-at na ang kaso.

Six years nga nagkauban si Jen ug ang PA mao nga nagka-close gayud sila pag-ayo.

Ang pagsalig sab ni Jen sa iyang PA mao sab ang gigamit sa uwahi aron nga makakuha og dakong kantidad gikan kaniya.

Buntis si Jen sa iyang anak nga si Alex Jazz (courtesy of Patrick Garcia) dihang mibutho ang isyu.

Sey ni Jen nga wala pa sab niya naistorya si Mel ug wa sab kini nag-explain kaniya bahin sa panghitabo.

Apan gipaniguro ni Jennylyn nga bisan pa man tuod nagsakit ang iyang dughan nga makita si Mel sa prisohan, iya gayud nga isulong ang kaso.