SA ikaduhang higayon, nanggawas na sab ang gitawag nga "paparazzo photo" nila ni Ruffa Gutierrez ug John Lloyd Cruz. This time, wala na sila nagtalikod sa mga litrato - nag-atubang na!

Human migawas sa internet ang giingong mga litrato nila ni Ruffa ug John Lloyd samtang pasuloday sa usa ka mahalong hotel sa Beverly Hills, California, may lain na sab nga mga picture diin makita nga kuyog gayud sila.

July 1, sa Manila Standard, makita ang litrato nila ni John Lloyd ug Ruffa nga nag-atubang sa camera ug nagkuyog samtang nanlakaw.

Sa litrato, makita ang duha nga nag-stroll stroll sa naglaray nga high-end boutiques sa Rodeo Drive, Beverly Hills.

Si Ruffa, nagsuot og white-petal trimmed dress ug nagdala sa blue nga Goyard bag. Si John Lloyd, naka-short sleeved blue polo ug black pants.

Naka-shades ang duha.

Sa kolum sa entertainment editor nga si Isah Red sa Manila Standard, usa niya ka classmate sa college nga naka-base sa California ang nagpadala kaniya sa mensahe pinaagi sa Facebook account bahin niini nga gisundan sab sa pagpadala sa litrato.

Niadto si Ruffa sa US alang sa iyang birthday vacation samtang si John Lloyd, alang sa world concert tour sa Star Magic, ang talent arm ng ABS-CBN.

Kahinumduman nga sa wala pa sila migikan paingon sa Amerika, wala gayud mamatay ang isyu nilang duha nga miresulta pa sa patutsada ni Annabelle Rama (madir ni Ruffa) ngadto kang John Lloyd.