AMINADO si Kris Aquino nga dugay na sab nahisgutan sa ilang pamilya ang posibleng paghimo og pelikula may kalabutan sa kinabuhi sa ilang ginikanan nga sila si anhing Senador Ninoy Aquino, Jr. ug President Cory Aquino.

Pahayag niya, sila si Piolo Pascual ug Judy Ann Santos ang ilang 'dream team' nga modala sa role sa ilang parents.

Apan aminado si Kris nga imposible pa kining mahitabo sa kasamtangan. Second choice daw sa magsuong Aquino mao sila si John Lloyd Cruz ug Bea Alonzo.

Sey ni Kris nga ingon niana silang magsuon ka fanatic sa mga artista ug may casting na sab sila sa ilang mga kaugalingon alang sa pelikula.

Type daw sa ubang mga sisters ni Kris nga sila si Jodi Sta. Maria, Angelica Panganiban, Bianca Gonzales ang modala sa ilang papel. Kang Kris, pilion daw niya si Ann Curtis o Kim Chiu.

Wish sab daw ni Senator Noynoy nga si John Lloyd Cruz ang modala sa iyang role kining maong kasaulogan adunay tema nga Lihok.